Usehweba ngezindlu umaluleke
UBALISA ngobunzima abhekane nabo ehamba ekhaya esemncane ujabulani Maluleke (36) odlala esiswini ophinde abe ngukaputeni wepolokwane City.
Umaluleke uthi kumkhathaze kakhulu ukufulathela ikhaya eneminyaka yobudala eli-18 ukuyoqala impilo entsha njengoba ubenephupho lokudlala ibhola esigabeni esikhokhelayo.
Umaluleke udabuka echiawelo, esoweto. Lo mdlali ufunde etroyville Primary wabe esedlulela e-edith High School aphothule khona umatikuletsheni wakhe ezifundweni zecommercial.
Ikhono likamaluleke liqale ukugqama kwidynamos FC eyayiphethwe ngumike Nkuna nopatrick Malabela ngowama-2000. Uthi idynamos yamthola emidlalweni yeziteki zikazibandlela (December) igodfrey Moloi Tournament. Ngenxa yokushibilika kwakhe kahle ensimini uthathwe yidangerous Darkies ngo-2005 ahlale izinyanga eziyi-6 kuyo.
Isiphiwo kulo mdlali simenze waqoma iblack Leopards ngowezi-2005 azinikele kuyona iminyaka emine ngaphambi kokuthatha iso lesupersport United elandwa nguGavin Hunt obengumlolongi wayo. Kwisupersport ufike wanqoba izindondo ezimqoka okukhona kuzo nezeligi.
Emuva kokuhamba kwisuperSport ujoyine ipolokwane City eholwa ngujohnny Mogaladi. Ingxoxo YELANGA Langesonto nomaluleke ngempilo yakhe yaNgaphandle kwenkundla ihambe kanje:
ILANGA Langesonto (IL): Beyinjani impilo yokungahlali eduze nabazali bakho?
Maluleke: Kunzima kakhulu ukuphila impilo kwenye indawo ungazi muntu.
Okubi kakhulu ngangicindezelwa nawukungazi kahle ulimi lwasegiyani. Ngaso sonke isikhathi kwakungiphoqa ukuthi ngibe wumuntu ohlala endlini ukuze ngibalekele izinto eziningi.
IL: Uma ngibuka isikhathi oqale ngaso ukudlala ibhola, ngabe imali yinto osuyiqoqe ngokwanele?
Maluleke: Kunzima kakhulu. Into ebimqoka kumina ukudlala ibhola imali yayingeyona into engiyibeke ekhanda.
Uma ubheka amajita esasigijima nawo ayekade ephusha imali sekwaphela konke ngawo ngoba babengenalo uthando lwebhola babheke imali kuphela. Okwami kuhlukile kakhulu ngoba abazali bami babewa bevuka nami yingakho ngaso sonke isikhathi ngingabakhohlwa uma ngithola okuthe xaxa ebholeni.
IL: Usakhuluma ngabazali ngabe basaphila?
Maluleke: Yebo umama u-evelyn nofanie Maluleke abadlale enkulu indima empilweni yami.
Ngenhlanhla enkulu kukhona nodadewethu ufelicia Maluleke engimkhonze ukufa.
ILO: Ushadelwe?
Maluleke: Cha, kodwa nginaye umaqondana ukhanyi umama wezingane zami. Ngibusiswe ngamantombazane amabili untsako oneminyaka eyisi-7 nontsakisi oneminyaka eyisi-6 kanye nendodana ujunior Jabu onezinyanga eziyi-11. Umndeni wami ubaluleke kakhulu kumina.
IL: Uyakwazi ukupheka?
Maluleke: Yebo, kakhulu ngiyalishaya ibhodwe ngeke ukholwe. Ngithanda kakhulu ukuziphekela irice, imince nokutshaliwe.
IL: Umaluleke ungumuntu onjani?
Maluleke: Ngingumuntu othulayo isikhathi esiningi kodwa ngiyakuqonda ukuthi abanye abantu bakubona sengathi ngingumuntu ozikhukhumezayo.
Ngenhlanhla enkulu kulabo abalitholayo ithuba lokuba nami bangakutshela ukuthi ngiyakuthanda ukuxoxa nokuncokola. Kangikuthandi ukusukelwa.
IL: Usichitha kanjani isizungu? Maluleke: Isikhathi esiningi ngihlala nomndeni wami noma ngivakashelwe ngabangani bami njengoba izolo bengihlangene nabo kwazise bengigubha usuku lokuzalwa kwami njengoba sengineminyaka engama-36. Sekuyacaca uku- thi iminyaka ihambile.
IL: Iyiphi isoapie oyikhonzile?
Maluleke: Yi-the Queen ngithanda kakhulu ubrutus odlalwa nguThemba Ndaba.
IL: Usebenzisa isiqholo esinjani?
Maluleke: Yibrown Orchid Gold ingiphatha kahle.
IL: Yiluphi uhlobo lomculo oluthandayo?
Maluleke: Yigospel ngaphambi kokulungiselela ukuyodlala noma ihouse uma ngidinga ukuzivusa emaqandeni.
IL: Uphatha nhloboni kamakhalekhukhwini?
Maluleke: Ngisebenzisa i-iphone 5 kodwa ngenhlanhla enkulu kangikho ezinkundleni zokuxhumana ngoba ziyaqhatha.
IL: Uthanda umbala onjani?
Maluleke: Ngikhonze omhlophe kwazise ngiyayithanda into egqamile ngoba ngiyinono.
IL: Iyiphi indawo ofisa ukuyivakashela?
Maluleke: Yisedubai kwazise indwangu yokugqoka itholakala khona kanye nobuhle bendawo ingishaya ngaphakathi.
IL: Uma kungase kuqubuke umlilo endlini nilele nomndeni wakho yini ongayikhipha kuqala?
Maluleke: Wumndeni wami kuqala okunye kungalandela. Ngeke ngikwazi ukuvala isikhala somndeni uma usuphangalele kodwa izinto ngingakwazi ukubuye ngibe nazo.
IL: Ukube kawulidlalanga ibhola ngabe wenzani?
Maluleke: Mhlawumbe ngabe ngingusomabhizinisi kwazise bengikuthanda ngisakhula njengoba bengenza izifundo ezimayelana namabhizinisi futhi ngibukhali kuzona.
Njengamanje ngisemkhakheni wokudayisa izindlu nomunye umngani wami ukuze ngikwazi ukuziphilisa uma sengibeke amakhokho ethala.
IL: Yini ovuka uyenze?
Maluleke: Wukugeza amazinyo bese ngindlula umbhede wami ngizitike ngama- cereals ngaphambi kokuya ejimini.
IL: Utshabaza ngonyanyavu olunjani lwemoto?
Maluleke: Nginezimoto ezimbili kodwa engiyikhonze kakhulu yiOne Series yakwabmw.
IL: Yibaphi abantu abadlale enkulu indima ekuthuthukeni kwebhola lakho?
Maluleke: Babili futhi okuhle ngabo sisaxoxa nabo ngufrank Makua odlale kwikaizer Chiefs nothulaganyo Gaobushelwe ongumengameli wesouth African Football Players Union (Safpu).
IL: Yimuphi umdlali ochitha naye isikhathi?
Maluleke: Nguwalter Maponyane sicishe sifane naye kwazise ukhonze kakhulu ukuthula.
IL: Ngabe nawe unezinhloso zokuphula irekhodi elifana nelikasiyabonga Nomvethe bese ubeka amakhokho ethala?
Maluleke: Hahaha... Ngeke ngikwazi ukufica unomvethe usehambe kakhulu. Mina ngikholwa wukuthi iminyaka emibili kusuka manje yenele ukuze nginike abanye abadlali ithuba.
IL: Uma kungase unikwe isikhundla sokuba ngumengameli wezwe yini eyokuqala ongayishintsha ezweni?
Maluleke: Ngingenza isiqiniseko sokuthi ngakhela abantu abangenazo izindlu bese ngisiza nabahlala ezitaladini ngokudla.
IL: Uthini umyalezo wakho entsheni?
Maluleke: Kufanele ingakhohlwa wukubaluleka kwesikole.