ESKHALENI:

EZOKUGIJIMA eningizimu Afrika kufanele zivakashele umthetho-sisekelo ukuze singaphinde senzeke isigameko esenzeke ngeledlule kwizululand District Marathon (ZDM) eqale Kwanongoma yasongwa olundi.

Sekusemabhukwini omlando manje ukuthi lo mjaho obuphethe isicoco semoto kwizingqwele, ugcine unqotshwe nguprodigal Khumalo noloveness Madziva ngokwehlukana kobulili abadabuka ezimbabwe.

Kube nesikhulu isidididi ngesikhathi unompempe wekwazuluNatal Athletics (KZNA) enikezela ngekhadi elibomvu ukhumalo, uthobile Mbolekwa nolephethesang Adoro abangene endaweni yesibili neyesithathu ngokwehlukana esigabeni sabesilisa. Kwase kuthiwa ingqwele ngumncedisi Mkhize ophume isine.

Isono salaba basubathi ngokusho kukanompempe WE-KZNA ukuthi kade besizwa ngabathile endleleni. Unompempe uthi ubakhiphe ngoba bephule umthetho, wathi kakuvumelekile ukusizwa umuntu ngemoto emzileni. Laba bagijimi abangene nabokuqala abathathu basizwe ukuba baludlulisele phambili udaba lwabo bagcina belunqobile.

Iyangimangaza lento eshiwo unompempe WEKZNA ngoba uma kunecomrades Marathon kunabantu abasuke besizwa emzileni, pho kuhlukaphi kwizdm?

Kwicomrades Marathon kunabantu abasizwayo umjaho uqala uze uyophela.

Uma uvakashela umthethosisekelo we-international Association of Athletics Federation (IAAF) usho okuhlukile.

I-IAAF ku-rule 240 ngaphansi kwe-road Running, ku-8.h ikubeka kucace ukuthi umgijimi kufanele athole amanzi endaweni egunyazwe ngabadidiyeli bomjaho. Ithi umgijimi angaluthola usizo oluphuthumayo uma enenkinga edinga ezempilo. Lo mthetho uqhuba uthi uma umsubathi enza okuphambene nomthetho uno- ndweba kufanele amnikeze ikhadi eliphuzu. Uma eqhubeka athole ikhadi elibomvu akhishwe emjahweni.

Iyaxaka EYEKZNA ukuba imyeke umuntu agijime kuthi uma eseyoshaya intambo bese etshelwa ukuthi wephule umthetho. Bengicela u-aleck Skhosana weASA nosello Mokoena nabo bonke omengameli bezifunda ZE-ASA ukuba bayise onondweba babo kwiworkshop ukugwema le nto eyenzeke kwi-zdm.

Yize bengiwugijima lo mjaho okuningi kangikubonanga kodwa ngitshelwe ukuthi umbiko kanondweba uyiqiniso. Kuthiwa ukhumalo, umbolekwa, no-adoro kunezimoto ebezibasiza kodwa unondweba wangasebenzisa amandla akhe, walinda umjaho waze waphela. Lokhu kwenze ukuthi kube nesidididi sekuphele umjaho.

Ukuba unondweba ubanikeze amakhadi aphuzi ngokwephula kwabo umthetho aphinde abagixabeze ngabomvu uma beqhubeka, ibingeke yenzeke le nto. Le yoku-