SICHAYISE I-DOWNS ISITOBHA SE-CHIEFS
IBHOLA: Bebemshela ngasese bemthembisa itshe lemali
UMDLALI wekaizer Chiefs uchayise imamelodi Sundowns okuvela ukuthi ibimshela isinyenyela imgabisela ngetshe le mali.
Inkontileka kadaniel Cardoso nechiefs iyaphela uma kusongwa isizini.
Usenalo ilungelo lokusayina nanoma iyiphi ikilabhu emfunayo.
Kubikwa ukuthi ichiefs ayikazibambi izingxoxo ezihlelekile nalo mdlali kodwa imthembisile ukuthi noma kanjani izomgcina futhi izomnika inkontileka ende.
Leli phephandaba lihoshe ngemithombo yalo ukuthi idowns ibizama ukushela lo mdlali kodwa wayichayisa ezeseka ngokuthi ngeke ahambe ichiefs ngemuva kunalokho iyona engamane imxoshe.
Kuthiwa idowns ibithembisa ukumnika ur250 000 zinyanga zonke njengoba kwichiefs ethola umholo ongaphansi kuka-r150 000.
“Ucardoso ubeshelwa yidowns kodwa wayichitha ngoba usajabule kwichiefs.
"Into emkhalisayo wukuthi kumthathe isikhathi eside ukuphendla indawo kwichiefs manje ngeke alandele imali bese eyoqala phansi asebenzele ukuthola isikimu eqenjini elisha.
"Ichiefs isithembisile ukuthi izoyelula inkontileka yakhe ngakho-ke akasiboni isidingo sokuhamba.
"Nakuba ingeke ifike kulo R250 000 abewuthenjiswa yidowns kodwa ubona izomanelisa le azoyithola uma elula inkontileka kwichiefs.
"Ufuna ukuthenga omunye umuzi imali yakhe eningi uyitshala ngokuthenga imizi,” kusho lo mthombo.
Leli phephandaba lithinta uthulani “TT” Thuswa wezokuxhumana kwidowns ngalolu daba uthe: “Anginalwazi ngendaba kaCardoso mhlawumbe abantu nje abazama ukusiqhatha nechiefs,” kusho uthuswa.
Ubobby Motaung oyimenenja jikelele yechiefs uthi izindaba zabadlali abaphelelwa yizinkontileka bazozibona uma sekuphele isizini.
Abanye abadlali abaphelelwa yizinkontileka nechiefs ngotsepo Masilela nowilliam Twala obolekiswe kwimaritzburg United maphakathi nesizini.
Kowe-absa Premiership obuyizolo ngomgqibelo ntambama esisa Dukashe stadium, ebhayi, ichippa United iguqise ngo-1-0 ifree State Stars.
Anginalwazi ngendaba kacardoso mhlawumbe abantu abazama ukusiqhatha...