U-andile uyashiya kwikhumbul'ekhaya
EZOSAZIWAYO: Akavumelani nabaqashi ngeholo
IMITHWALO isobhokweni kumethuli wekhumbul’ekhaya, u-andile Gaelesiwe, useshiya lolu hlelo aselwethule iminyaka engaphezu kweli-10. Ukushiya kwakhe kulolu hlelo olusakazwa KWISABC 1, kubikwa ukuthi kulandela ukungqubuzana kwakhe nabaqashi, i-urban Brew, okuyiyona elukhiqizayo. w
KUGQABUKE ucu lweminyaka engaphezu kweyi10 ku-andile Gaelesiwe nohlelo lodumo ikhumbul’ekhaya, olusakazwa kwiSABC 1 ngolwesithathu kusihlwa.
ILANGA Langesonto lihabule ukuthi u-andile uyawushiya umsebenzi wokwethula lolu hlelo. Kubikwa ukuthi ngeke esabonakala kusukela kwisizini yalo entsha, okungakacaci ukuthi izoqala nini ukuqoshwa.
Imithombo ethembekile ipotshozele leli phephandaba ukuthi ubudlelwane buka-andile nenkampani i-urban Brew ekhiqiza lolu hlelo, boniwe yizingxoxo zamaholo ngesikhathi sekumele kuqoshwe isizini entsha.
Ngokusho komthombo, u-andile ufune ukukhushulelwa umholo ngo-r10 000 ngohlelo ngalunye. Kuthiwa njengamanje uhola u-r15 000 ngohlelo, okungukuthi usefuna u-r25 000 ngohlelo lulunye.
Kuthiwa abaphathi bakhe bashaye phansi ngonyawo bathi ngeke bakwazi ukumnikeza le mali. Lo mthombo uthi kuyimanje i-urban Brew imatasa ifuna umethuli omusha walolu hlelo.
Kubikwa ukuthi umqashi ukhale ngokuthi iningi kakhulu imali ayifunayo ekubeni umsebenzi wakhe mncane kwazise akazifuneli yena abantu abazovela ohlelweni kodwa bayazibhalela, abanye bayafona - okwakhe kube wukulwethula kumabonakude.
Ethintwa YILANGA Langesonto, u-andile uzwakele ukuthi akaneme neze. Uthe akakabi bikho esimeni sokukhuluma ngalolu daba.
“Ngeke ngikwazi ukuphawula okwamanje, ngicela unginikeze ithuba. Okumele ukuqonde wukuthi ngeke ngikwazi ukuvele ngishiye abalandeli bekhumbu- le’khaya kabuhlungu kanje. Ngesonto elizayo ngizokhuluma konke.
“Mhlawumbe Ngizokhipha isitatimende noma ngizokufonela. Ungabhala noma yini osuyizwile ngemithombo yakho kanginankinga ngoba angesabi lutho ngokushoyo,” kusho u-andile egcizelela ukuthi uzokhuluma ngesonto elizayo.
Abakwa-urban
Brew bona batshele leli phephandaba ukuthi basazoqhubeka nokusebenza no
Andile ohlelweni.
Ulawrence
Molepo okhulumela le nkampani uthe: “Usazobonakala u-andile kukhumbul’ekhaya. Njengamanje silungiselela ukushutha isizini ye-14.
“Ngeke ngikwazi ukuphawula ngezi- ngxoxo ezithinta amaholo ngoba ziphakathi kwakhe nondaba zabantu (HR wase-urban Brew). Okhulumela ISABC, umnu Kaizer Kganyago utshele leli phephandaba ukuthi zikhona izinkinga ababikelwe zona ngabakwaUrban Brew, nokho akathandanga ukwenaba ngazo. “Ngeke ngikwazi ukuphawula ngezingxoxo abanazo ngoba leyo ithinta isisebenzi nomqashi. “Abantu abanelungelo lokukhuluma lokho ngabakwa-urban Brew,” kusho umnu Kganyago.