BAYAVEVA NGOKUVALWA KOMSAKAZI
INHLANGANO emele izintatheli isouth African Editors Forum (SANEF) ibhodla umlilo ngesenzo sabaphathi be-safm sokuvala umsakazi emoyeni. I-SANEF ibize isenzo sokunqanyulwa kukasakina Kamwendo ( osesithombeni) emoyeni njengesiphambene nemigomo yobuntatheli futhi esidinga ukuphakanyelwa. Ithe kuwumsebenzi WE-SABC ukuthi yenze izinqumo ngezinhlelo zayo.
Yize kunjalo kodwa kayikholwa ukuthi udaba lukasakina Kamwendo luphathwe ngendlela.
“Ukamwendo bekumele anikwe ithuba lokuchazela abalaleli bakhe ukuthi kwenzekani ngohlelo lwakhe nokunqanyulwa kwenkontileka yakhe njengomsakazi wohlelo.
"Ukunyathelwa kwelungelo likasakina ngale ndlela kuwudaba olubucayi, isanef kayizimisele ngokubona kubuya izinsuku zakudala zokunqindwa kokusebenza kwezintatheli.
"Abomkhakha wezindaba kumele beseke abesifazane abakule ndima, ikakhulukazi labo abawenza kahle umsebenzi. Kumele siqinisekise ukuba khona kwama-zwi ehlukene kulo mkhakha. ISANEF izoludingida lolu daba NESABC,” kusho umbhalo.
Usakina unqanyulwe esasakaza uhlelo lwakhe iforum at Eight oluba semoyeni phakathi nezinsuku.
Abadidiyeli bohlelo bayalelwe ukuba bamvale emoyeni, badlale noma yimuphi umculo okhona.
Kubikwa ukuthi ngolwesihlanu bekuwuhlelo lukasakina lokugcina emoyeni.
Kuze kufika ukuba anqanyulwe nje kuthiwa yingoba abaphathi besebecikwe yizinkulumo zakhe zokuthi athi udunguza ebumnyameni njengoba kuphela inkontilaki yakhe, akazi ukuthi ikusasa limphatheleni. Uphinde wabalula nezingqinamba ezike zabhekana nabasebenzi bakwaSouth African Broad-casting Corporation
(SABC) ezibashiye bephelelwe yilukuluku lokusebenza. Kuthiwa besekuvele kunomsakazi osesayinde inkontileka yokungena ezica-thulweni zakhe. Ngaleso sikhathi kuthiwa usakina uvumile ukuthi uwazwile amahlebezi kodwa wangatshelwa lutho ngabaphathi. Kubikwa ukuthi uhlelo lube nomthelela ekubuyiseni isithunzi SE-SABC ngendlela obeluyiyo. Kubikwa ukuthi usakina nethimba lakhe bake baba ngaphansi kwenkulu ingcindezi ngesikhathi beqhubeka nokumema abantu abaphathi abangabathandi.
Kanti nesitayela abesisebenzisa ukuphosa imibuzo kwizihambeli zakhe kuthiwa besicika iningi ehhovisi elikhulu LE-SABC e-au-ckland Park. “Abalaleli bebefona bengajabule kwase kuza umyalelo othi maluvalwe uhlelo,” kusho umthombo. Ukaizer Kganyago, okhulumela I-SABC, uvumile ukuthi uyazi ngalolu daba wathi balinde umbiko ogcwele ovela kubaphathi besiteshi bese beqala uphenyo. “Akashiyi kwiSafm kodwa kunohlelo asezolusakaza esingeke silidalule okwamanje kuze kube lo msakazo umemezela izinguquko zawo,” kuphetha yena.