Ithuthuka m imicimbi ya
UKUKHULA kwamahlaya olimi lwesizulu sekukhombise ngokusobala ukuthi sekuyimicimbi engazimela le ngaphandle kokuzimaziswa ngeminye, ngokusho kukasimphiwe Shembe ongusomahlaya nomdidiyeli wawo.
Ushembe usezakhele igama ngokuyenza ibhizinisi le micimbi. Ngolwesine olwedlule obelwandulela iphasika, ubebamba eyeka esaba ukuthi uzobhuntsha umcimbi abewuhlele ebat Centre enkabeni yetheku.
Uthi obekumesabisa kakhulu wu-kuthi abantu bebematasa behlelela iphasika kanti ubengenzanga okutheni ukuwukhangisa lo mci-mbi - nokho abathandi bamahlaya bavele bamumangaza.
Bese kuphele cishe iminyaka emithathu engaphefomi kule ndawo kodwa ehlela khona amahlaya nyanga zonke, nokuyinto ayishintshile kulokhu njengoba kunguMpukane “Flaimotion” obembambele uhlelo.
Yena ushembe ubefana nabanye osomahlaya abaqashiwe.
“Ingimangazile indlela egcwale ngayo kungazange kube khona zikhangiso emsakazweni noma amaposter. Ngicabanga ukuthi izinto ezintsha esiqhamuka nazo kule micimbi yizona ezenza abantu basilandele.
“Ubonile nje siqale sanikezela ngamakhadi ( loyalty cards) azosetshenziswa yilaba abajwayele ukuhamba imicimbi yethu nokuzosho ukuthi bazogcina bethola imihlomulo, kokunye bangene mahhala. Kakuphelele lapho njengoba siwinisa nangezifundo zokushayela kwabasuke behambele imicimbi yethu,” kuchaza ushembe.
Ngempelasonto yokuphela kwenyanga ephezulu mhlaka-26 kuthiwa kuyoze kube buhlungu izisu khona futhi ebat Centre njengoba yonke imicimbi yokuphela kwenyanga yenziwa ngolwesine lokugcina enyangeni.
Nakuba uhlu lwabazonandisa lungakaphothulwa kodwa okwamanje amagama alaba abalendelayo yiwona avelayo. Kukhona uqatha Khuzwayo, Isaac Gampu, Sengsey nabanye abasazoqinisekiswa.
zowakha@ilanganews.co.za