NGINCOMA ISENZO SABAPHATHI BOKHOZI

MHLELI nabafundi, ake ungivumele ngiphawule ngalokhu engikubona kungukuchamisela komsakazo wethu esiwuthandayo, ukhozi FM.

Isikhathi ebekade sisilinde ngabomvu sesize safika. Besilangazelele ukubona ukuthi njengoba luzalela (ukhozi) endaweni engaziwa, luyophuma namachwane amangaki?

Nokho asevelile sawabona sonke. Sibezwile bevalelisa abasakazi kubalandeli bezinhlelo ebebezishayela.

Nokho ngiyaqonda ukuthi uma uphethe akulula ukwanelisa bonke abantu, futhi ngeke siye nganxanye singemanzi.

Angiqale ngibabongele aba- qashiweyo, ngibongele nabathole izinhlelo eziconsisa amathe, okwaziwayo ukuthi zinabalandeli abaningi.

Okokuqala, ukuhamba kukaNongcebo Mckenzie ohlelweni Sithakela Isizwe sengathi kushiye omkhulu umgodi lo.

Lokho ngikusho ngoba isikhathi abengena ngaso kusuke kubukwa kakhulu izinhlelo zethelevishini.

Lokhu bekumenza enze isiqiniseko sokuthi uyabagcina abalandeli ngesikahthi esibucayi abangena ngaso kodwa wakwazi ukukwenza ngempumelelo - sesiyomkhumbula ngohleko lwakhe. Ukuya kwakhe kwivuka Mzansi Breakfast Show bekuvele kumfanele, mina kangisoli lutho.

Ubaba ubonga Mpanza benozandile Tembe bakwazile ukumhlonza ngokwezinga lakhe.

Kuningi nami ebengingamnika ngakho lolu hlelo.

Uzimiphi Biyela engigcine ngingezwanga ukuthi ngabe ikhethelo lokhozi ulunika banani, ozongena uma ekhona engathi engathatha noma asike iphethini, nakulezi ebezishayela ubekhipha unyawo.

Uhlelo luka cothoza ulubambe ngenkulu impumelelo. Lokhu kwenza ngingangabazi ukuthi kusigiya Ngengoma bazosibuyela nayo indodo.

Empeli ubaba umpanza nozandile kulokhu ngibona sengathi bayaludinga uphaphe lwegwalagwala ngomsebenzi abawenzile.

Incabha nenselelo seyikubo abasakazi, sekukubo ukuziveza kubalaleli ngokuthi bebathokozisa futhi bebagcine bejabule ngasosonke isikhathi.

Noma kungakafiki lapha bezwa khona uvo lwabalaleli kodwa sebenayo imizwa yokuthi yini edingwa ngumlaleli ekhaya.