Owechiefs ucishe wavulela iqupha
Kuthiwa ucasulwe wukuphapha komqeqeshi
USINDE ekufinyisweni igazi ngusteve “Mphathi” Komphela ongumqeqeshi wekaizer Chiefs uluc Eymael owenza umsebenzi ofanayo kwifree State Stars.
ILANGA Langesonto lithole ukuthi kwale kancane ukuba ukomphela axove ngequpha u-eymael emsola ngokuphapha.
Lesi sigameko kuthiwa senzeke ngemuva komdlalo we-absa Premiership lapho ichiefs iguqise ifree State ngo-1-0 wegoli likaTeenage Hadebe ngolwesithathu ebusuku egoble Park Stadium, ebethlehem.
Lo mdlalo ububhekwe ngabomvu kwazise u-eymael ukhonjwa esigqikini sikakomphela kwiChiefs.
Kuyiwe kulo mdlalo u-eymael esanda kushiya angalazi kukomphela emsola ngokukhuluma amazwi ayiziswana kuyena.
Uze walibeka ngesihloko elokuthi ukomphela akabheke umsebenzi wakhe kwichiefs, angafuni ukuvika ngabanye abantu njengoba ehluleka.
Leli phephandaba lithole ukuthi u-eymael ucishe wathola isibhaxu kukomphela emuva kwalo mdlalo, ngasezindlini zokushi- ntshela.
U-eymael ubengahleli ebhentshini kulo mdlalo kwazise ubedonsa isigwebo semidlalo emibili asinikwe yikomidi eliqondisa ubugwegwe lepremier Soccer League (PSL) ngenxa yokuhluleka wukuziphatha.
Kuthiwa lo mqeqeshi odabuka ebelgium uye kukomphela emuva komdlalo wakhuluma naye sakubhuqa, efuna nokumxhawula.
Kuthiwa izinkulumo zalo mqeqeshi kazehlanga kahle kukomphela washo ukumuminya, kwalanyulwa kukubi.
Umthombo waleli phephandaba ongaphakathi kwifree State Stars, uthe: “Inkinga ka-eymael wukuphapha. Empeleni nezikhulu zeFree State kazisamuzwisisi kahle ngoba uphaphile.
"Besingekho nje isidingo sokuthi ayosukela ukomphela.
"Ubephapha nje futhi ngabe kungcono ukuba umshayile ukomphela. Umane wamyeka nje.”
U-eymael uvumile kuleli phephandaba ukuthi kuke kwaba khona ukungaboni ngaso linye phakathi kwakhe nokomphela emuva kwalo mdlalo. Nokho uzwakalise ukuthi usedlulile kulokho.
“Ngiyamhlonipha kakhulu ukomphela, okwenzekile kwenze- kile kangifuni ukugxila kukhona,” kusho u-eymael.
Imizamo yokuthola ukomphela ukuba aphawule ngalolu daba iphunzile njengoba ucingo lwakhe belukhala kodwa lungabanjwa.