KNOWLEDGE SIMELANE
7 DAYS IN ENTEBBE UMQONDISI: Jose Padilha ABADLALI ABAPHAMBILI: Rosamund Pike (Brigitte Kuhlmann), Daniel Br¸hl (Wilfried Bose), Eddie Marsan (Shimon Peres), Lior Ashkenazi (Yitzhak Rabin), Denis Menochet (Jacques Le Moine), Ben Schnetzer (Zeev Hirsch) UHLOBO: Crime/drama/ Suspense/thriller IMINYAKA: 13 D/L/P/V UMHLAZIYI: Zowakha Mbatha
WUMLANDO osemabhukwini eyokubanjwa kwebhanoyi i-air France Flight 139 ebeliphuma edolobheni lakwa-israel itel Aviv libheke eparis, efrance. Lolu ha- UMCULI: BUSELAPHI ISIHLOKO: UMAKHANDAKHANDA UHLOBO LOMCULO: MASIKANDI UNYAKA : 2017 AMAMPHUZU : 8/10
AKUMANGALISI ukuthi le ntokazi izibiza ngendlovukazi kamasikandi. Iyithakile le albhamu yayo futhi isebenzisane nabaculi abaziwayo ucamagwini noshota.
Ivale zonke izikhewu ngoba izinsimbi nesigqi yinto ebuzwa kule albhamu enezingoma eziyi-13. Iyashisa le ngoma esihloko sithi “Umakhandakhanda”. Istudyo simenzele umsebenzi oncomekayo, ngisho ikhava ye-albhamu ihlobile, izithombe ziyaheha, ikubiza ulaphaya. Iyatholakala ezitolo zomculo kanti ikhishwe ngabakwa-bwmusic Production.
UMCULI: ICHWANE LEBHACA ISIHLOKO: ZULU BANGLE UHLOBO LOMCULO: MASIKANDI UNYAKA: 2017 AMAMPHUZU: 8/10
IGCWELE incwadi kule albhamu yechwane Lebhaca, izingoma ziqanjiwe zimnandi. Kule ngoma yokuqala neyisihloko se-albhamu ethi “Zulu Bangle” uxoxa ngokwa mehlela ethekwini kuvictoria Street, ethekwini lapho adayiselwa khona amabhengela ngabomdabu basendiya bemheha bethi uma ethenge elilodwa uzothola amaningi ngor5.
Awukwazi ukungaxhensi lapha uma ungumxhosa kulezi ngoma. Uma ungumzulu kufukuza isifuba, kuyasheshwa lapha. Ziyi-13 sezizonke izingoma kule albhamu. Ungayidlala kuse ekuseni le-albhamu - iphekiwe, izinsimbi zakhona zithule du. Iyatholakala ezitolo noma kushayelwe kule nombolo kamakhalekhukhwini ethi: 060 778 1375.
UMCULI: ABAKHWENYANA ISIHLOKO: OMABIZWASABELE UHLOBO LOMCULO: UMBHAQANGA ONENKOSI PHAKATHI
UNYAKA : 2018 AMAPHUZU: 8/10
KWATHI angithi: “Hhayi Bo! Kubi, wangenisa umfula uza nezingodo!
Babuyile laba bafana emuva kwesikhathi eside bengasakhiphi. Angibasoli kule nto abayikhiphile. Abathandi bomgxobanyawo bazobhema bakholwe.
Amaphimbo wulozolo. Izinsimbi zikunwaya iqolo usukume noma liqaqamba utotobele khona. Ungithathile unombolo 2 osihloko sithi “Imisebenzi yenu”. Kule ngoma bakhuluma ngazozonke izihlabani zombhaqanga nezingoma zabo ezimnandi. Ababuye bonke abaculi asebelahle ithemba kule ndima, bangadikibaliswa wukuntshontshwa kwawo nokungadlalwa kwawo emisakazweni. Akulahlwa mbeleko ngakufelwa. Bangaphuthelwa abantu yile albhamu. Iyatholakala ezitolo noma ngokushayela kulezi nombolo ezithi: 079 152 8326/081 342 0059 nethi 061 696 2527.