USUKU ANGASOZE ALUKHOHLWA
mincintiswano ngivalwe kuthiwe angingabe ngisangenela ngoba sekwaziwa ukuthi ngizowina,” kubeka umaqhinga. Umfokahadebe akalukhohlwa usuku lomhla zingama-28 kuNhlolanja ngowe-1995 eqala ukugibela ibhanoyi eliya emelika lihamba amahora ayi-16 emkhathini, bephikelele edolobheni ichicago, beyodlala izinyanga ezintathu zaze zelulwa kwalekwa amasonto amabili ngaphezulu.
“Ngabuya lapho ngaqonda ekhaya, ubaba owayengasithandi isigingci sami wathi akulethwe isicephu abone imali engibuye nayo, ngathi akulethwe isithebe ngoba isicephu sincane ngayithela bamangala. Ngasuka lapho ngayothenga izinkomo eziyisihlanu ngokheshe,” ezishaya isifuba umaqhinga. amalungiselelo basifakele imali siye siyocula phesheya kwezilwandle,” kusho umaqhinga.
Uthi njengoba baye badlale emazweni abantu abangalwazi ulimi lwesizulu kuye kuthi uma benamakhonsathi baqale bacule ngalo ulimi lwesizulu izingoma ezimbalwa bese belandelisa ngezesingisi ezinesigqi sesintu bese begcina ngomculo obizwa ngeFolk Music okuwumculo kanoma ngubani.
Ngokusho kwakhe umfo kahadebe, ukucula nakwamanye amazwe kuyawuvula umqondo usabalale, kungafani nomuntu odlalela abantu ababodwa abafanayo.
“Kwenza uhlangane nezinye izinjulabuchopho kwezomculo ikakhulukazi uma kungamafestival amakhulu ahlanganisa amazwe ngamazwe. Kukwenze uhloniphe zonke izizwe namasiko azo. Ngiyababongela ozakwethu bakamasikandi asebedume njengemali kuleli kodwa ngiyabakhuthaza ukuba baziqhenye ngokuthi banabalandeli ngoba uthengwa umculo wabo hhayi ngamanyufomu kuphela,” kusho yena.
Okunye athi kumfukulile umaqhinga ukusondelana kwakhe neqembu i-ladysmith Black Mambazo, ikakhulukazi usbongiseni Shabalala ongumholi weshabalala Rhythm futhi onestudyo ethekwini.
“Eminye imisebenzi esiyitholayo siyinikwa yiyo imambazo kanti siye sibuye sicule nayo ishabalala Rhythm kwamanye amakhonsathi. Kumanjenje sinohide lwamakhonsathi - ngomhla zingama-25 kwephezulu sizobe sisegermany nakwamanye amazwe.
OKUNYE NGAYE:
Ushadelwe ngunkk Ntombiyenkosi Makhanyile Hadebe, banezingane eziyisithupha Unomuzi kanokusho kubo Unemfuyo Akanayo imoto Akaphuzi futhi akabhemi Uthanda ukudla kwesintu Usekhiphe ama-albhamu ayisihlanu omculo wakhe
Indodana yakhe umabusa idlala ibhola elikhokhelwayo
Knowledge.simelane@ilanganews.co.za