KUFUNWA IZINTOKAZI EZIZETHEMBAYO EMNCINTISWANENI
IZINTOKAZI ezizethembayo nezinesikhumba esihle zisethubeni lokuhlabana ngokuba yinxusa lomkhiqizo wabesifazane weminyaka wesikhumba, iponds.
Abakwaponds basemkhankasweni wokuthungatha inxusa elisha lalo mkhiqizo.
Leli nxusa lizolandela ezinyathelweni zabantu abadumile okungu-ayanda Thabethe, Celeste Khumalo nothembi Seete. Lo mncintiswano uqale ngondasa (March) kanti uyoze uphele ngomhlaka-3 kunhlangulana (June) nonyaka.
“Eminyakeni edlule silalele izimvo zamakhasimende ethu. Sibe nezicelo kubathandi beponds abafisa ukuba babe ngamanxusa alo mkhiqizo. Njengomkhiqizo osumdala eningizimu Afrika, silokhu sikhona njalo sinikeza abesifazane izisombululo kwezobuhle - kube yisinqumo esilula ukuba nomkhankaso onjengalona, onika ithuba abesifazane lokuba yinxusa lethu,” kusho usphe Mjadu oyisenior PR Manager kwa-unilever.
Lo mncintiswano uvuleleke kubo bonke abesifazane ukuba bazibeke ethubeni lokudla umhlanganiso.
Ngokuhamba kwesikhathi kuzobe sekuqokwa abayisihlanu abazongena emzuliswaneni owandulela owamanqamu.
Abantu bazonikwa ithuba lokuvotela abathathu aba- phume phambili kulaba abahlanu, bese behlolwa ngamajaji ukuze kutonyulwe umanqoba okunguyenayena.
Isimemezelo sentokazi ezishaye zonke emakhanda, okuyoba yiyona inxusa lalo mkhiqizo bese imenyezelwa mhlaka ziyi-5 kuntulikazi (July).
OKUZOHLONYULWA NGUMANQOBA
Yizipho zenani lika-r100 000 Uzoba yingxenye yomkhankaso wakwaponds wezi-2018, abe wubuso beponds Lasting Oil Control Ubuso bakhe buzoba semkhiqizweni isikhathi esingangonyaka nasemaphepheni okuzimaketha kusukela ngoncwaba (August). Imali engukheshi Uzomenywa emicimbini yakwaPonds
Abe nebhuku lezithombe zakhe “Lo mncintiswano uzosenza sikwazi ukufinyelela kubantu abanethalente futhi sikwazi nokubungaza nokuthuthukisa ithalente laseningizimu Afrika. “Selokhu kwathi nhlo iponds isalokhu isebenza kanzima ukuqinisekisa ukuthi kayiqhelelani nabantu futhi iqhubeka nomlando wokuba wumkhiqizo othandwayo,” kuchaza usphe Mjadu, Imininingwane yokungenela itholakala emaphaketheni omkhiqizo weponds.