EZAMAFILIMU:
BLOCKERS
UMQONDISI: Kay Cannon
ABADLALI ABAPHAMBILI: Leslie Mann (Lisa Decker), Ike Barinholtz (Hunter), John Cena (Mitchell), Kathryn Newton (Julie-lisa’s Daughter), Geraldine Viswanathan (Kayla-mitchell’s Daughter), Gideon Adlon (Sam-hunter’s Daughter) UHLOBO: Sex Comedy
IMINYAKA: 16 D/L/N/S
KUNZIMA ukuba ngumzali oyedwa empilweni yengane esingena esigabeni esithe xaxa sokukhula, isiqala ukwenza izinto ongafisi izenze nakuba wazi ukuthi isikuleso sigaba ngokweminyaka.
Uzohleka uze ubhuquze usubona okwenziwa yilaba bazali abathathu bezama ukunqanda amadodakazi abo asebethole ukuthi azimisele ngokwenza ucansi ngosuku lokugcina esikoleni. Onkabi laba babanjwa ngengxoxo yabo emafonini besebenzisa okwaziwa ngama-emoji nokuqondwa yibona kuphela ukuthi kusho ukuthini kanti uhunter nongubaba owuvanzi uyakuqonda lokhu abakubhalayo.
Kusuka isidumo uma ulisa nomitchell sebeqonda ukuthi izingane zabo zizimisele ngokulahleke- lwa wubuntombi bazo ngalobu busuku, seziyophazanyiswa kulo mkhankaso wazo.
Ekugcineni kuyacaca ukuthi nakuba bezisola abazali ngokugxambukela kodwa konke kungenxa yothando. Abathandi bamahlaya bazophuma kubuhlungu izisu kule filimu engene ngolwesihlanu lwayizolo e- cinema.
LUMI kanje uhlu lwethu lwamafilimu ayishumi abesahamba phambili ngokubukwa ngempelasonto edlule yomhlaka-13-15 April:
1. RAMPAGE
2. TYLER PERRY’S ACRIMONY 3. BLACK PANTHER
4. PETER RABBIT
5. HERE COMES THE GRUMP 6. READY PLAYER ONE 7. QUIET PLACE, A
8. TOMB RAIDER
9. MIDNIGHT SUN
10. SUSTERS
Isamile nanamuhla iblack Panther ekuziholeni phambili ngokufaka imali njengoba bese ifake R101 190 838
zowakha@ilanganews.co.za