SEBASTIAN JILI
NGABE WUSUKU LWAKHO LOKUZALWA NAMUHLA?
INTO ekukhathaza kakhulu ngezinye izindleko obhekene nazo. Izikweletu ongena kuzo ngendlela ongayilindele azikuniki ukuphumula. Ngenxa yokuzimisela onakho uzobona kuba lula ukuthuthuka.
ARIES
UKUZE ukwazi ukumela ubunzima kudingeka ukubekezela. Unomthwalo wokwenza isinqumo esithinta indlela yokuphila nekusasa. Ungalenzi iphutha lokuzibophezela ebudlelwaneni besikhashana.
TAURUS (April 20-May 20)
UNOMTHWALO okuhlalele wokunakekela kakhulu umzimba wakho. Uzofingqa imikhono uzimisele ukwenza noma yini ezokugcina uthuthukile. Ukubekezela kuzokhuphula amathemba ngekusasa lakho.
GEMINI (May 21-June 21)
KONKE okwenzayo manje kumele ukwenze ukuphothule. Imizwa ungayivumeli ukuba ikuholele kulokho okungahambisani nawe. Imibono yabanye kuzodingeka uyicubungule ngaphambi kokuba wenze isinqumo ngayo.
CANCER
UZOZINAKA kakhulu izindaba ezithinta ezamabhizinisi akho kanye nokonga ngalesi sikhathi. Ingqondo yakho ubona sengathi isebenza ngamandla ngenhloso yokubheka izinguquko ukuthi ziquketheni.
LEO (March 21-April 19) VIRGO (June 21-July 22) (July 23-August 22)
EZINYE izimo kumele uzithathe njengezivivinyo ezedlulayo ukuze uzokwazi ukuqhubekela phambili nezinhlelo zakho. Imicabango ehlelekile izokusiza ekuthatheni izinqumo ezifanele.
(Aug 23-Sept 22)
UMA ungenawo umgomo osebenzela phezu kwawo ungagcina usufeza okumbalwa kokuningi. Kuningi okungekho mqoka obona sengathi kuthikameza izinhlelo zakho.
LIBRA (Sept 23-Oct 22)
UMQONDO wakho ugxile kakhulu ezindabeni zakho ezimayelana nezothando. Uma uqedela kahle okudala uzokwazi ukuqala okusha. Ziningi kakhulu izinhlelo zakho okumele uzifeze ngokuphuthuma.
SCORPIO (Oct 23-Nov 21)
KUKHONA amaphutha okumele uwalungise emsebenzini wakho. Nguwena qobo ongaqhamuka namasu okuthuthukisa impilo yakho. Unemizabalazo eminingi ethinta ikusasa lakho.
SAGITTARIUS (Nov 22-Dec 21)
UNGAKWENZI kwabanye ongafisi kwenziwe kuwena. Kuzokusiza ukugxila embhidlangweni wokuzakha ube ulungisa amaphutha. Ikhono lakho lincike ngokugcwele ekusebenzeni nabantu.
CAPRICORN (Dec 22-Jan 19)
UGQILAZEKILE ngenxa yokwanda kwezindleko. Ungumuntu ohlale ekholelwa emaqhingeni amadala. Akumele ube nezizathu zokubalisa empilweni yakho ngoba ungagcina usuhlehlela emuva kakhulu empilweni.
AQUARIUS (Jan 20-Feb 18)
UNGAVUMI izinselelo zikuthwalise kanzima empilweni yakho. Ezinye izimo zempilo zibuye zikuthwalise kanzima. Kudingeka uhlale ukubeka engqondweni yakho ukuthi inamuhla ngeke neze lifane nekusasa.
PISCES (Feb 19-March 20)
ABANYE bayakwethemba kakhulu. Uzama ngawo wonke amandla ukuveza ubuhlakani kwabanye oxhumene nabo. Uma uzibona unhlanhlatha nguwe uqobo lwakho okumele uzibuyisele emgqeni ofanele. Imibono yakho kumele uyethembe kakhulu.