Iteam of Choice ezinyathelweni zemighty Maulers
IDINGA ukwesekwa ngayo yonke indlela imaritzburg United eno-mdlalo onzima nemamelodi Sundowns wesemi- final yenedbank Cup namuhla ngesonto ngo-15h00 eharry Gwala Stadium, emgungundlovu.
Yize umphakathi wasemgungundlovu uhlale uphuma nxa zonke emidlalweni yasekhaya yeteam of Choice, kumqoka ukuthi abantu bakwazulu-natal, ikakhulukazi abasezindaweni ezakhelene noMgungundlovu, bangquzuke nxa zonke beyokweseka le kilabhu esethubeni lokuzifaka emabhukwini omlando.
Ukunqoba kweteam of Choice kungayisondeza eduze nokuba yikilabhu yesibili yakwazuluNatal ukuqukula inkomishi yo- mkhumulajezi selokhu kusungulwe ipremier Soccer League (PSL) ngowe-1996/97.
Ikilabhu ezonqoba namuhla izodudulana kowamanqamu ozokuba mhla zili-19 kunhlaba (May) ecape Town Stadium, nonqobe izolo ebusuku phakathi kwekaizer Chiefs nefree State Stars emoses Mabhida Stadium.
Sekuyophela iminyaka eli-10 ikwazulu-natal igcine ukunqoba inkomishi kwipsl. Kugcine ngelamontville Golden Arrows enqobe IMTN8 ngowezi-2009 ibhudluza i-ajax Cape Town ngo-6-0 e-orlando Stadium iqhutshwa ngumanqoba “TV” Mngqithi osengumsizi kapitso “Jingles” Mosimane ololonga isundowns.
Ukunqoba kweteam of Choice lo mqhudelwano wenedbank, kungayibeka emlandweni wokuba yikilabhu yesibili yakwazuluNatal ukumela iningizimu Afrika emidlalweni yeconfederation of African Footaball (Caf).
Lesi sifundazwe selokhu sigcine ukukhipha ikilabhu eya emidlalweni yase-afrika ngemanning Rangers ebambe iqhaza kwi-african Champions League ngesizini yangowezi-1998/99 lapho eyahlulwa khona yi-asec Mimosas yaseIvory Coast egcine inqobe lo mqhudelwano.
Imighty Maulers, njengoba ibidume kanjalo irangers kunobhutshuzwayo waseningizimu Afrika, ibidlala kwicaf ngemuva kokuzibula indebe ye-premiership ebibizwa ngecastle Premiership ngale- so sikhathi. Iyinqobe ngowe1996/97.
Le kilabhu kube yiyona eyokuqala ukunqoba le nkomishi ngaphansi kwepsl esungulwe ngaleyo sizini, kanti ibiqhutshwa ngugordon Igesund onomlando omude ebholeni lakuleli.
Sekuyophela iminyaka engama-20 isifundazwe singamelwa kilabhu emidlalweni yecaf, kanti kungalesi sizathu-ke kumqoka ukuba yesekwe iteam of Choice kwinedbank Cup ngoba izingqwele zalo mqhudelwano zibamba iqhaza kwicaf Confederation Cup.
Le kilabhu kafarook “Ntshebe” Kadodia ivele isemgqeni wokudlala kulo mqhudelwano yinqobo nje uma kusongwe isizini isendaweni ehleli kuyona yesithathu kwi- log ye-absa Premiership.
Kumele anconywe kakhulu ufadlu Davids ongumqeqeshi wayo ngomsebenzi omuhle asewenzile.
Sikushayela elikhulu ihlombe nokuthi usiphesihle Ndlovu usanda kuqokwa njengomdlali ovelele wenyanga, okuyinto ebiqala ukwenzeka kumdlali weteam of Choice selokhu ingene esigabeni esikhulu.
Ukudlala kahle kwalo mdlali sekudonse ngisho iso lomqeqeshi webafana Bafana, ustuart Baxter.
Isicoco senedbank singaba wumvuzo omuhle kwiteam of Choice emuva kokuba nesizini enhle njengoba igijima ibhola elinenkosi phakathi futhi namagoli iwaqhulula.