KUZOGQANYISWA ITHEKU OHLELWENI LUKASOMAHLAYA
USOMAHLAYA osezenzele igama eningizimu Afrika naphesheya kwezilwandle, uthenjiwe Khambule, uthi ohlelweni lwakhe lukamabonakude, imeet The Khambules, kuzogqama ithalente labantu basethekwini kwezokulingisa.
Lolu hlelo luzokhonjiswa ku-nhlaba (May) 19 ku- channel 157 kwisiteshi esisha imoja Love kwi-dstv kanti luzongena esikhaleni sohlelo ijudge Thenjiwe Khambule oludlalo kuso lesi siteshi.
Uthi kuningi okuzovela kulolu hlelo, kufundisa abantu ngezinto ezenzeka emindenini yabamnyama.
“Akubi kuhle ukuthi izindaba zethu zixoxwe ngabanye abantu sibe sikhona thina. Isibonelo nje, kunengxenye lapho othola khona kunomama othatha indodakazi yakhe ayiyise yonke indawo lapho kukhona khona amadoda ngoba ethi ufuna ukuyitholela umkhwenyana.
"Lokhu kuba yisifundo ukuthi abazali kumele bakwamukele ukuthi umshado uyimvelo, ezinye izinto kaziphoqwa,” kuchaza yena.
Uthi esontweni ngalinye kuzobe kukhona usomahlaya othile ozovela okubalwa kubona Amawele asechesterville, usimphiwe Shembe, noFlymotion.
Uthi iningi lizokuthakasela ukubuka lo mdlalo.
“Abantu mabalindele ukuhleka futhi baziqhenye
ngokuba ngabaKwazuluNatal,” kuchaza yena.
Uthe kwisizini yesibili kajudge Thenjiwe Khambule bazoqinisekisa ukuthi bashuthela EKZN. Kumanje bamatasa bashutha isizini yesibili yemeet The Khambules ukuze makuphela eyokuqala kungene eyesibili.