KNOWLEDGE SIMELANE
ngeke sibaqede. Kanti nabo abaqambi abasaphila noma izihlobo zabo kumele bangazitheli ngabandayo, abaphumele obala basho ukuthi bayafuna izingoma zezihlobo zabo ziguqulwe zenze inzuzo. Phela yinto eyaziwayo ukuthi abaqambi bamaculo amanothi iningi labo lihambe emhlabeni lincela izithupha, lingenamali. Sesifikileke manje isikhathi sokuba izihlobo nezizukulwane zihlomule ngemisebenzi yokhokho bazo.
Akulula-ke nokho ukwenza umsebenzi wokuhlela kahle ingoma yomuntu. Kumele ozokwenza lowo msebenzi ayazi yonke imigudu elandelwayo, abheke ukuthi leyo ngoma ingaphansi kwayiphi inkampani noma inhlangano. Acele amalungelo kwenziwe izivumelwano zokuthi uma isidayiswa umndeni uzohlomula kangakanani.
Bakhumbule abanikazi bengoma ukuthi ukuzwakala kwayo emisakazweni akusho ukuthi isidayisiwe. Kuyenzeka ukuthi ngenxa yokuswela ulwazi kwabantu baze balwe nomhleli wengoma, sebemxina bemthuka bethi udla izimali zabo bengalwenzanga uphenyo olufanele.
Ingoma noma idayisa akuholwa ngenyanga, izimali zayo zifika ngezikhathi ezithile, ngokujwayelekile ize ifike emuva kwezinyanga eziwu-6 noma ngaphezulu. Kwesinye isikhathi ayidayisi nhlobo, kufane nokuthi umuntu uphefumula esizibeni.
Knowledge.simelane@ilanganews.co.za UMCULI : SBONELO ZACA ISIHLOKO: HAMBA NAMI UHLOBO LOMCULO: GOSPEL UNYAKA: 2018 AMAPHUZU: 5/10 UMCULI : UMFOKA BLESS ISIHLOKO: ZISESHE UHLOBO LOMCULO: MASIKANDI UNYAKA: 2018 AMAPHUZU: 7/10