INDUMALO KUBHUNTSHA I-JG ZUMA MARATHON NGOMZUZU WOKUGCINA
Ebika eseboksburg
BAFE olwembiza abasubathi baseningizimu Afrika kulandela ukubhuntsha ngomzuzu wokugcina kwejg Zuma Marathon obekufanele ibe namuhla ngesonto ekuseni isukela eseven Oaks, egreytown isongwe e-albert Falls ngasemgungundlovu.
Lo mjaho obuzokube ugubha unyaka wesine nonyaka, uhlelwa yimuden Athletics Club nesizwe sakwanxamalala ngenhloso yokuhlonipha uzuma.
Leli phephandaba lingakudalula ukuthi izinto zibonakale usahlelwa ukuthi kungenzeka ube nobuhixihixi kulandela ukuhoxa KWESABC ukuwusakaza njengoba selokhu wasungulwa ngowezi-2016 ubukhonjiswa.
Lo mjaho bekungowokuzibekisela indawo kwicomrades Marathon ezokuba mhla zili-10 kunhlangulana (June) isukela emgungundlovu isongwe emoses Mabhida, ethekwini.
Abagijimi abaningi bebewuthanda lo mjaho kwazise uhambisana necomrades, uma yehla nawo uyehla noma ye- nyuka nawo wenza njalo.
Ikwazulu-natal Athletics (KZNA) ikuqinisekisile ukubhuntsha kwalo mjaho embikweni wayo ewuthumelele abezindaba nabagijimi kanjalo namakilabhu. I-KZNA ithe ithole incwadi kubadidiyeli bawo ngolwesine ntambama.
Uceli Makhoba ongumqondisi walo mjaho, utshele leli phephandaba ukuthi babe nenkinga yemali yokukhokhela abagijimi.
“Umjaho ubukhona. Besinomhlangano ngolwesithathu nangolwesine.
"Kuthe uma sibona ukuthi izinto kazihlangani ngolwesine emini saphuma nesinqumo sokuba siwumise ngoba ibingahlangani imali yokukhokhela abagijimi futhi sibalekela nokungena ehlazweni,” kubeka umakhoba.
Abagijimi bakhale kakhulu ngemali yabo abayikhokhile abangazi ukuthi bazoyithola nini.
Abagijimi abangakazenzi izikhathi basenalo ithuba njengoba ngolwesibili lweholidi kunegaterite Marathon ethekwini kanjalo nehibiscuss Coast 48km nayo engoLwesibili.