SIKHALA NGOKUNYUNDELWA ISILOMO SEMAN- UTD
UKHALA ngokunyundelwa ngabathile ngoba engadabuki e-england umdlali wemanchester United ezobhekana ne-arsenal kowebarclays Premiership namuhla ngesonto ngo-17h30 e-old Trafford eyikomkhulu lered Devils.
Upaul Pogba odlala esiswini kwiman Utd, usematheni kulezi zinsuku njengoba ziya ngokuqina izinsolo zokuthi angase ayishiye le kilabhu uma kusongwa isizini.
Lo mdlali ufike kwiman Utd ngesizini edlule ephula irekhodi lokuba ngumdlali obiza kunabo bonke emhlabeni.
Ubesuka kwijuventus yaseItaly abenza ezibukwayo kuyona.
Upogba uthi kunabamunyundelayo ngoba engasiyena owokudabuka e-england.
“Into engifake enkingeni wukuthi ngithengwe ngemali enkulu. Ibuhlungu le nto ngoba angizange ngizicelele ukudayiswa ngemali enkulu. Amakilabhu avumelana wodwa. Le nto yenze ngahlulelwa ngendlela engeyiyo. Noma ngingenzani kuba nezinkulumo ezingezinhle.
“Ngidlala esiswini kodwa kuvele kukhonondelwe ukuthi angiwashayi amagoli engathi ngingumgadli. Nokho ngizoqhubeka nokusebenza kanzima, vele isizini isiyaphela. Kufanele sinqobe lo mdlalo we-arsenal nje kwaphela,” kusho yena.
Komunye umdlalo wepremiership, imanchester City esiyizingqwele ezintsha zeligi, izobhekana newest Ham United namuhla ngesonto ngo-15h15 elondon Stadium, okuyinkundla yeWest Ham.
Kusasa ngomsombuluko itottenham Hotspur izoshukana newatford emdlalweni weligi ozoqala ngo-21h00. Yonke le midlalo yase-england izoboniswa bukhoma kwiss3.
Imidlalo yespanish La Liga enamuhla ngesonto imi kanje:
Getafe vs Girona 12h00 (SS7).
Deportivo Alaves vs Atletico Madrid 16h15 (SS7).
Valencia vs Eibar 18h30 (SS7).
Deportivo La Coruna vs Barcelona 20h45 (SS7).
KUSASA NGOMSOMBULUKO
Real Betis vs Malaga 21h00 (SS7).