Udumele kuhoxiswa ingoma yakhe
Bathi basola ubudedengu bamasama ngalobu buhixihixi
SIDUMELE isilomo sikadj ngokuhoxiswa kwenye yezingoma zaso emncintiswaneni wezindondo, isouth African Music Awards (SAMA).
I-recording Industry of South Africa (RISA), engabahleli bomcimbi wamasama, ozoba mhla ka-2 June, esun City, enorth West, lapho kuzoklonyeliswa abaculi nodj abanqobile, imemezele ukuhoxiswa kwezingoma i-lake By The Ocean kamobi Dixon ( osesithombeni), okuyingoma yaphesheya kwezilwandle kodwa ayenze kabusha nengoma esihloko sithi Tigi kasands.
Kusolwa ubudedengu kubahleli bomcimbi ngokuhoxiswa kwalezi zingoma ezimbili ezibe nedumela ngonyaka owedlule, okuthiwa zingene kungafanele kulo mncintiswano.
Ingoma kamobi Dixon ihoxiswe emunxeni webest Remix, kwathi ekasands yahoxiswa kowerecord of the
Year.
Isizathu esidalulwe ngaberisa esitatimendeni abasi- khiphe izolo ekuseni siveze ukuthi lezi zingoma zihoxiswe ngoba usands udabuka eswaziland kanti lo mcimbi ukubeka kucace ukuthi uklomelisa abaculi baseningizimu Afrika kuphela. Ekamobi Dixon yona ihoxiswe ngoba ithathelwe engomeni yaphesheya kwezilwandle. Umobi Dixon ogamalakhe langempela ngumabi Ntuli, usola ubudedengu ngasohlangothi lwabahleli balo mcimbi ngoba bekungafihliwe ukuthi ingoma yakhe iyi- remix yengoma yaphesheya kwezilwandle.
“Akukho engingakusho ngoba umthetho wumthetho, ngakho kumele uhlonishwe kodwa okudumazayo wukuthi babe budedengu ngokungabhekisisi ngaphambi kokumemezela izingoma eziqokiwe,” kusho lo DJ ongomunye wabangaconsi phansi kubathandi bomculo.
Uthi nakuba esihlonipha isinqumo saberisa, kodwa udumele ngokuhoxiswa kwengoma yakhe. “Khona ngidumele kodwa akusenani ngoba ngisaqokiwe kweminye iminxa. Anginanxa namasama futhi uma ithuba likhona, ngizowahambela,” kusho yena. Ngakolunye uhlangothi ulindsey Arends, oyimenenja kasands, uthi ubevele ekulindele ukuhoxiswa kwakhe kulo mcimbi.
“Ngemuva kokumenyezelwa kwegama likasands, ngibathintile abamasama ngibabuza ngokuqokwa kwakhe, babe sebethi mangilinde impendulo ngokuhamba kwesikhathi. Njengoba sebecacisile, asinanxa ngoba siyayiqonda imithetho yakhona,” kusho ulindsey. Isikhulu esiphezulu seriSA, umnu Nhlanhla Sibisi, sivumile ukuthi kube nobudedengu ngasohlangothini lwabo mayelana nalezi zingoma.
“Sizoqhuba uphenyo lwangaphakathi sithole lapho kube nobudedengu khona, bese siyalungisa,” kusho umnu Sibisi.
Uthe nakanjani abantu mabalindele umcimbi osezingeni eliphezulu nakuba sebeqale ngalezi zihibe.