Akayingeni eyokweshelwa yizinkampani ezinkulu owe-idols
UNCAMELE ikhaya elidala kunokujoyina ezinye izinkampani ezinkulu ebezimgaqele umculi ozakhele udumo emncintiswaneni we-idols SA ngonyaka owedlule, umthokozisi Ndaba.
Umthokozisi ophume isibili kulo mncintiswano ngemuva kokwehlulwa ngupaxton Fielies, ubuyele enkampanini aqale kuyona emculweni, Isiphethu Records ephethwe ngungane Sikobi. Engxoxweni ekhethekile ne
LANGA Langesonto, umthokozisi uthi isizathu esimenze wabuyela kule nkampani yingoba yiyona engakwazi ukumyisa lapho ezimisele ukufinyelela khona emcu- lweni. “Okunye wukuthi ngisebenza nomuntu ongazi kahle njengoba kunguyena ongifundise okuningi okuthinta umculo,” kusho umthokozisi othi maduze uzokhipha ingoma esihloko sithi “Mama Wami”.
“Emuva kokwehlulwa kumaIdol, ngibone kungcono ngithi ukubuyekeza impilo yami ngibheke okungifanele nokuzongiyisa phambili,” kusho yena.
Akathandanga nokho ukudalula amagama ezinkampani athi bezimfuna. “Ngenxa yokuzihlonipha lezi zinkampani ngeke ngikwazi ukuzidalula,” kusho lo mculi. Uyavuma ukuthi impela inhliziyo yakhe ibe buhlungu ehlulwa ngenxa yokuthi ubezimisele ngokuwunqoba lo mncintiswano.
“Engingakusho wukuthi kuningi engikufundile kulo mncintiswano okuthinta ukuzimisela, ukuhlonipha abantu nokuzikhandla.
"Ngingagqugquzela nabanye ukuba bawungenele ngoba bangasizakala ngendlela eyisimanga,” kuqhuba yena. Ngaphambi kokujoyina ama-idol SA, umthokozisi uke wakhipha ingoma ebihlanganisa yena , uduncan nozakwe ethi “Ikhaya Lami” abayikhiphe ngo-2005. Uzakwe ubesengaphansi kwesiphethu Records.
Ungane uthi umthokozisi akasayinile enkampanini yakhe, kodwa banesivumelwano sokusebenzisana. Kumanje bamatasa ngomzungezo wezikole kamthokozisi oseknysna behamba no-arab.