UZOKHIPHA EZIKABHOQO KOLWEMISHADO UZOLA
UBE nengcindezi yokwamukeleka kozakwabo abasha uzola Nene ovale isikhala sikasiba Mtongana ohlelweni iwedding Bashers, olukhuza ibuya esiteshini sikamabonakude im-net ku- channel 101.
Lolu hlelo lumayelana nokuxilonga imishado yabantu abehlukene ukuthi ihleleke kanjani, bese begxeka noma bencoma lapho kuhambe kahle khona. Ababukeli bakhombise ukuyithakasela isizini yokuqala yalolu hlelo nokuyisizathu esiholele ekubeni lukhuze ibuya.
Lolu hlelo okulindeleke ukuba luqale ukubonakala maduze, luza nabethuli abasha ababili njengoba selujoyinwe nguzola nobernelee Daniell oke waba ngumiss South Africa phambilini. Udenise Zimba nozavion Kotze basazoqhubeka nokulwethula. Laba bangene esikhaleni sikasiba nocindy Nell abachithiwe kulona. Ekhuluma NELANGA
Langesonto uzola ongumpheki wodumo oseke wabonakala ezinhlelweni zikamabonakude okubalwa nolwasekuseni kwiSABC 3, i-expresso, uveze ukuthi iyodwa into ebimenza abe netwetwe lokujoyina lolu hlelo.
“Nakuba ngimhlonipha usiba kodwa bengingathukile ngokuvala isikhala sakhe. Obekungifaka ingcindezi wukuthi bazongamukela kanjani ozakwethu engizosebenza nabo. Okungikhulule ngaphakathi wukuthi sithe sihlangana sajwayelana sengathi kade sazana nokwenze ukusebenza kwaba lula kakhulu,” kusho yena.
Uthi akezukukopela sitayela samuntu kodwa uzoba nguye nje.
“Ngeke ngincetheze kodwa ngizoyibeka njengoba injalo into,” enaba. Lolu hlelo luzoqala lukhombise imishado emine eyisipesheli ehlelwa yibona laba bethuli ngenhloso yokubuyisela emphakathini.