U-SHEKHINAH UFISA UKUBUYA NEYE-ALBUM OF THE YEAR
INTANDOKAZI yomculi ezakhele udumo emncintiswaneni we-idols SA ithi ibingakulindele ukuqokwa kaningi njengoba kwenzekile kowesouth African Music Awards (SAMA).
Ushekhinah Thandi Donnell, ongomunye wabaculi abaqale ukubonakala kowe-idols SA eminyakeni emihlanu eyedlule, utshele leli phephandaba ukuthi ukusebenza kwakhe kanzima sekuyaqala ukuthela izithelo.
Engxoxweni abe nayo naleli phephandaba ngemuva kokuthola izindaba zokuqokwa kwakhe eminxeni ye-best Female, Best Newcomer ne-album of the Year okumenyezelwe ngolwesihlanu, uzwakale ejabule ngokweqile ngalokhu.
“Angazi ngingathini ngaphandle kokuthi konke okwenzekayo kuwumvuzo wokusebenza kanzima ukuqinisekisa ukuthi umsebenzi wami uba yimpumelelo. Ngiyajabula kakhulu, ngibonga nangendlela abantu abawamukele ngayo umculo wami,” kusho ushekhinah kuzwakala ukuthi ujabule.
Kuzokhumbuleka ukuthi ukumenyezelwa kwangolwesihlanu kulandela okwenzeke emasontweni amabili edlule lapho lo mculi ebeqokwe kweminye iminxa okubalwa kuyo eyeRecord of the Year ngengoma yakhe esihloko sithi “Suited”, ibest Produced Album nebest Pop Album.
Isiyonke iminxa ushekhinah aqokwe kuyona iyisithupha kanti uqokwe nge-albhamu yakhe yokuqala esihloko sithi Rose Gold.
Uqhuba ngokuthi kule minyaka emihlanu ekulo mkhakha ubesafunda ngalo mkhakha kanti ukulindele ukubuya nendondo noma nezindondo emcimbini WESAMA ozoba ngomhla ka-2 kujuni esun City Superbowl enorth West.
Uthi nakuba enesifiso sokuqoqa kuyoyonke iminxa aqokwe kuyona kodwa ayibheke kakhulu ngeye-album of the Year.
“Ngiyibheke kakhulu lena ngoba ngiyawazi umfutho esiwukhiphile ngesikhathi siyikhiqiza. Kungasho lukhulu ukudla umhlanganiso kulo munxa,” kusho yena.
Abanye abaqokiwe abamenyezelwe ngolwesihlanu yilaba: Male Artist of the year: AFROTRACTION - RELATIONSHIPS TRESOR - Beautiful Madness Prince Kaybee ñ I Am Music EMTEE - Manando Nduduzo Makhathini - Ikhambi
Female Artist of the year: Siphokazi - Siphokazi
Lady Zamar - King Zamar Simphiwe Dana - Symphony Experience Busiswa - Highly Favoured Shekhinah - Rose Gold
Duo/group of the Year:
Prime Circle - If You Don't You Never Will Team Mosha - Sofa Silahlane Goldfish - Late Night People
Mi Casa - Familia
Mafikizolo - Mafikizolo
Newcomer of the Year: Rouge - The New Era Sessions Shane Eagle - Yellow Shekhinah - Rose Gold Blaq Diamond - Blaq Diamond Thabsie - Songs About You
Album of the Year:
Shane Eagle - Yellow
TRESOR - Beautiful Madness Mafikizolo - 20
Lady Zamar - King Zamar Shekhinah - Rose Gold
lucky.cain@ilanganews.co.za