UZOHLABELA ABALANDELI INKOMO UMCULI
UZOHLABELA abalandeli bakhe inkomo umculi kamasikandi ebonga ukumeseka kwabo emculweni wesintu.
Uqalindaba Mkhize ( osesithombeni) oyindodana kamjaphane “Somgunqu” Mkhize utshele ILANGA Langesonto ukuthi akuselula kumasikandi ukuthola abalandeli ngenxa yokwanda kwabaculi, yingakho esethathe isinqumo sokubonga labo abamesekayo ngakubo, abakhombise uthando, kungabi yibona abenzela yena.
Uthi idili lokubonga lizoba mhlaka-13 kule nyanga emfundabasha Primary School, emtubatuba.
“Akusiyona into encane ukwesekwa emculweni njengoba sekunezimpi kodwa abantu bangakithi basalokhu bengiphakamisa kakhulu.
"Ngokwesifiso sami ngiyafuna nokuhambela amagatsha abalandeli bami ngibenzele imicimbi ngibabonge ngakho konke njengoba sengibalwa nabaculi abahamba phambili endaweni yangakithi emkhanyakude,” kusho uqalindaba.
Uveze nokuthi uzobe ethula ngokusemthethweni ne-albhamu yakhe entsha esihloko esithi “No Enemy Permanent”, okunengoma okuboshelwe kuyona ukhangelani “DSD” Mhlongo wosaziwayo. Kulo mcimbi kumenywe namaqembu engoma kashameni angaphansi kwenhlangano egqugquzela amasiko emkhanyakude i-sakhisizwe. Uqalindaba uthi amagoso azothola nezipho ezizojabulisa amaqembu.
“Lo mcimbi siwuhlele ngelinye izinga ngoba simeme nezangoma zendawo ukuba zizogida. Ngalokhu sigqugquzela ukuthi nabantu abasha abangenwe yidlozi bengazenyezi ngakho,” kusho yena.
Abaculi abazobe beyingxenye yomcimbi ngucevuzile, Mkhathazi, Mroza (Van damme), Izintombi zikamjaphane, Amambeje Amahle, Stezi Mhlanzi nabanye. Umphathi wohlelo ngumsakazi wokhozi FM uzimiphi “Zimdollar” Biyela.
mthobisis@ilanganews.co.za