BASHIYE ABANGALAZI KUMSUBATHI OBEGXEKA UCASTER
BASHIYE abangalazi abasubathi baseningizimu Afrika kupaula Radcliffe wase-united States of America (USA) ophethe irekhodi lo mhlaba labesifazane le Marathon (2:15), osanda kuphumela obala ethi uyahambisana nombiko we-international Association of Athletics Federation (IAAF) ogxeka ubulili bukacaster Semenya ongumsubathi wakuleli.
Lo mbiko WE-IAAF ubukeka ushayelwe ucaster njengoba kuthiwa kusuka mhla ka-1 kulwezi (November) umgijimi onamandla afuze akacaster, ngeke avunyelwe ukugijima ibanga elingu-400m kuya kwi-mile (1 600m).
Upaula ubhale kwitwitter uku- thi uyahambisana nokuhlongozwa YI-IAAF. Abasubathi bathe makanake izindaba zakhe ahlukane nocaster.
Abanye bathe kufanele kuphinde kuhlolwe umchamo wakhe ngoba kuyasolisa ukuthi umgijimi wesifazane angagijima isikhathi esingu-2:15 kwimarathon.
Bathi kuzothatha iminyaka ukuba kwephulwe irekhodi lakhe.
Ucaster ngolwesihlanu ugile izimanga ephula irekhodi lakhe le1500m emlenzeni wokuqala weIAAF Diamond League edoha.
Ucaster ubeke u-3:59 ephula u-4:01 awenze ngenyanga edlule kumacommonwealth Game e-australia.
Ebuzwa ucaster ngabezindaba ngemuva komjaho ukuthi awum- phazamisi yini umbiko WE-IAAF, uthe: “Kanginaso isikhathi sokuphendula umbhedo mina. Mina ngizogijima ngiqhubeke ngephule amarekhodi.”
Omunye umsubathi wakuleli owenze kahle kule midlalo ngucarina Horn naye ophule irekhodi lakhe le-100m wabeka u-10.98 ecisha u-11.03 awenze kwi-liquid Telecom Athletix Grand Prix Series epaarl, ewestern Cape ngombasa (April).
Ukhotso Mokoena ungene unombolo 6 kwitripple Jump.
U-aleck Skhosana onguMengameli we-athletics South Africa (ASA), uthe uyababongela bonke abenze kahle emlenzeni wokuqala kweli-14 yediamond League.