BAZOYIZWA NGENDABA INDLALA YEMIDLALO EHLABAHLOSILE
BAZOYIZWA ngendaba indlala yemidlalo yezinga eliphezulu namuhla ngesonto abalandeli bebhola laseEngland nelasespain njengoba ichithiwe imidlalo okubhekwe ukuba kusiphuke izidindi kuyona.
Ozihola phambili, ngowezinkunzi zasespain, ibarcelona nereal Madrid ozokuba ngo-20h45.
Lo mdlalo uzokhonjiswa bukhoma kwiss7.
Ibarca isilinde ukugcotshwa njengezingqwele zespanish La Liga njengoba isanda kunqoba icopa Del
Ray.
Ngemuva kwale sizini izohlukana no-andres Iniesta osehlale kuyona iminyaka eminingi.
Nase
England kuzokube kufiwa njengoba ichelsea iqhathwe neliverpool ngo-17h30.
Lo mdlalo ozoboniswa bukhoma kwiss3, ubhekwe ngabomvu njengoba ichelsea ingazange ibe nesizini enhle, kanti izinto ziyihambela kahle iliverpool ezodudulana nemadrid kowamanqamu we-uefa Champions League mhla ka-26 kuNhlaba (May) ekiev, e-ukraine.
Izingqwele ezintsha ze-english Premiership, imanchester City, zizoshukana nehuddersfield ngo-14h30. Lo mdlalo uzokhonjiswa kwiss3.
Icity izokuya kulo mdlalo ngemuva kokuvela kwezindaba zokuthi iyahlukana noyaya Toure wase-ivory Coast oyisebenzele kanzima le kilabhu ayijoyine ngo-2010 esuka kwibarcelona.
Isiyonke imidlalo ye-english Premiership enamuhla ngesonto ihlelwe kanje:
Manchester City vs Huddersfield 14h30 (SS3).
Arsenal vs Burnley 17h30. Chelsea vs Liverpool 17h30 (SS3).
NGOLWESIBILI
Swansea City vs Southampton 20h45 (SS3).
Eyespanish La Liga namuhla ngesonto ihlelwe kanje:
Malaga vs Deportivo Alaves 12h00 (SS7). Atletico Madrid vs Espanyol 16h15 (SS7). Las Palmas vs Getafe 18h30 (SS7).
Leganes vs Levante 21h00 (SS7).