KWELULWA ESOKUBHALA IZIVIVINYO E-UNISA
IZWELANE nezitshudeni i-university of South Africa (Unisa) yazilulela izinsuku zokubhalwa kwezivivinyo zokuhlolwa ezifundweni zazo ngenxa yeziteleka eziphazamise uhlelo lokubhalisa nokufunda kuqala unyaka.
Le nyuvesi inikeze izitshudeni ithuba lokuba zikhethe izinsuku ezihambisana nazo njengoba kuqalwa ukubhalwa ngomsombuluko.
Lokhu kwenzeke ngemuva kwesikhalo sezinye izitshudeni ukuthi ngenxa yobuhixihixi obube khona ekuqaleni konyaka, azitho-langa ithuba elanele lokufunda, ngalokho azikulungele ukubhala.
Inyuvesi ibe isinquma ukuba isifundo ngasinye, kulezo ebezizobhalwa kusuka mhlaka 7 kuya mhlaka-18 kunhlaba (May) zibekelwe izinsuku zokubhala ezimbili izitshudeni ezizokhetha kuzo.
Lokhu kusho ukuthi isitshudeni esizwa singakulungele ukubhala phakathi kwalezi zinsuku, zisokwazi ukukhetha olunye usuku lokubhala phakathi komhlaka-18 kuya mhlaka-29 kunhlangulana (June).
Njengoba ama- timetable okubhala ebesekhishiwe, izolo ngoMgqibelo inyuvesi iphinde yathumelela izitshudeni ama- timeta
ble achitshiyelwe, anezinsuku izitshudeni ezingakhetha kuzo ukubhala.
Leli thuba alivulelekile nokho kwizitshudeni ezenza izifundo ezingaphansi kwe-short learning programmes, undergraduate qualifications, nalezo zitshudeni ezibhalisele izifundo ezitholakala e-unisa Graduate School of Business Leadership (SBL).
Isekela leshansela lenyuvesi usolwazi Mandla Makhanya lithi lokhu bakwenze ngoba bafuna ukunikeza izitshudeni ithuba elanele lokuzilungiselela ukuhlolwa. Uthi okuphazamise kakhulu inyuvesi wukuthi kunezitshudeni ezibhalise sekudlule isikhathi esibekiwe ngenxa yobuhixihixi emfundweni yamahhala obukhona.
“Izitshudeni beziphakamise ukuthi lezi zinto ebezenzeka zizokwenza ukuba zingenzi kahle ezivivinyweni zazo, ngakho-ke zidinga isikhathi esanele. Ezinye izitshu-deni zizithole sesihambe kakhulu isikhathi izincwadi zazo zokufu-nda okungezinye zezinto ezenze ukuba zinikezwe elinye ithuba lokuba bakhethe izinsuku ezizohambelana nazo zokubhala,” kusho usolwazi Makhanya.
Uthi ngisho ama-asayimenti (assignment) kusamele abafundi babone ukuthi basebenze kanjani ngaphambi kokuba babhale izivivinyo. Uveze ukuthi lesi sinqumo sithathwe emuva kokuba kuyibona abafundi abaphakamise lokhu kubaphathi ukuba akuhlehliswe.
Uthi nohlelo lwe-national Student Financial Aid Scheme (NSFAS) luphazamisile ngoba ezinye izitshudeni bekungakaqinisekiswa ukuthi zilutholile noma cha.
Ngisho nama-asayimenti azothunyelwa ngaphambi komhla ziyi11 kunhlaba kuthiwa azomakwa.
Imvamisa izitshudeni e-unisa ziye zivunyelwe ukubhala izivivinyo uma zikwazile ukuthumela ama-asayimenti athile okuyimpoqo ukuba athunyelwe, kodwa kuthiwa kulokhu bazokwazi ukubhala.