USENZIWA IHLAYA UMENGAMELI
KUYAZIWA ukuthi ezinkundleni zokuxhumana kunabantu abanekhono eliyisimanga lokuguqula izinto ngisho ngabe zibaluleke kangakanani noma zijule kanjani, kodwa bona bazenze ihlaya.
Ezinyangeni ezimbalwa ezedlule, iningizimu Afrika ibhekane nesimo esingesihle lapho kuqale kwenzeka okungavamile kokwenyuka kwe-vat, kwathi kusenjalo kwalokhu kwenyuka intengo kaphethiloli izikhathi zilandelana.
Lokhu kwenze ukuba abanye abantu baseningizimu Afrika bagxeke umengameli wakuleli, umnu Cyril Ramaphosa othathe izintambo zombuso ekuqaleni kwalo nyaka. Bakhala ngokuthi selokhu kungene yena nje, kwenyuka izinto ngendlela engajwayelekile.
Lesi simo siholele ekutheni abantu bagcine sebephendula umengameli ihlaya ezinkundleni zokuxhumana, besabalalisa imibhalo ehlekisayo ngaye ( meme). Noma yini eyenyukayo abantu bagcina sebeyiyamanisa negama likamengameli. Kuzokhumbuleka ukuthi umnu Ramaphosa uqha- muke nomkhankaso othi “Thuma Mina”, ahlose ngawo ukuba kusetshenzelwe umphakathi. Abantuke bahlale kuwona lo mnkankaso bamphendula ihlaya ngawo.
Abanye bashintshe nendlela yokukhuluma, kuthi uma beqonde ukwenyusa into bethi bayayiramaphosa - njengokuthi nje uma umuntu eqonde ukuthi awungenyusele umsakazo, athi a"wungiRamaphosele i- volume lapho emsakazweni”.
Ezithombeni ezingenhla ngeminye yemibhalo esatshalaliswa ezinkundleni zokuxhumana ihlekisa ngomengameli.