PHILANI NCALANE
benzini wokusingatha inkampani yonogada ngoba ibhola kuyacaca ukuthi aliyona nhlobo into yakhe.
Sekukaningi kucaca ukuthi le kilabhu iphethwe ngendlela yasehlathini njengoba ivele imemezele izinto ezisaxoxwa esithe. Muva nje isanda kudalula ukuthi isihlabane ngothabo Matlaba nobernard Morrison be-orlando Pirates, okuze kube yimanje abekho kuyona. Lokhu kuyizinkomba zokuthi ichippa iphethwe njenge-spazza Shop.
Iphinde yahlukana nowanda Mbenguzana osewe evuka nale kilabhu, futhi obeyingxenye yokusungulwa kwayo.
Kule kilabhu kuyacaca ukuthi azihlonishwa izingxoxo nezinkontileka.
Kuyadumaza ukuthi umpengesi ugila le mikhuba nje, unobudlelwano obuhle no-irvin Khoza ongusihlalo we-orlando Pirates nepremier Soccer League.
Ngesikhathi abanye ozihlalo bepheka bethulula, kuyancomeka ukuthi ukaizer Motaung ongusihlalo wekaizer Chiefs uyasifezekisa isethembiso sokuqhamuka nezinguquko ezinqala kule kilabhu.
Ichiefs ibuyise isithunzi isayinisa abadlali bezinga eliphezulu okulindeleke ukuba bayisize isuse ithunzi elibi lokunganqobi nkomishi kumasizini amathathu edlule.
Phakathi nesonto izimpofana zihlabane ngolebohang Manyama nomario Booysen, kanti bezisanda kunyakazisa izinto kunobhutshuzwayo wakuleli zisayinisa ukhama Billiat obekwimamelodi Sundowns.
Ukufika kwalaba badlali kuligezile igama likabobby Motaung oyimenenja jikelele yechiefs obekhonjwa ngenjumbane ngokulanda abadlali abaphelelwe yizinkontileka nabasezimbabwe.
Yize izimpofana zibathole mahhala ubilliat nomanyama, kodwa akungatshazwa ukuthi kuningi okuhle abazokwenzela le kilabhu ngoba banesipiliyoni kunobhutshuzwayo kanti basavunwa nayiminyaka yobudala.