Ichiefs ivuke indlobane ekapa
Ibithelwe ngezibonkolo, ibukisa ngezikabenni Mccarthy
IBUYISE isithunzi ikaizer Chiefs inqoba umdlalo wayo wokuqala kwi-absa Premiership kule sizini ngokunenebula icape Town City ngo-4-1 izolo ngomgqibelo ntambama ecape Town City Stadium.
Amagoli echiefs abekwe enethini ngusiyabonga Ngezane ngomzuzu ka-12, ngamabili kakhama Billiat awashaye ngomzuzu ka-50 nangoka-79, nelikaphilani Zulu aliqobele enethini ngoka-91. Elokuzama ukugqiba ihlazo lecity lishaywe ngumatthew Rusike ngomzuzu ka-25.
Ichiefs izigwazela ibhece nje, icity iqede lo mdlalo isishoda, kukhishwa ngekhadi elibomvu utaariq Fielies odlala emuva.
Izimpofana ziye kulo mdlalo zinengcindezi kwazise selokhu kuqale isizini bezingakaze zinqobe kwiligi.
Bekubhekwe ngabomvu ukuthi zizokwenzenjani kulo mdlalo kwazise zivamise ukudonsa kanzima uma zidlala ekuhambeni.
Kubonakale uqala umdlalo ukuthi ichiefs izele amaphuzu amathathu ecape Town njengoba iwuqale ngabadlali cishe abayisihlanu abahlaselayo.
Iqale ngolebohang Manyama, uleonardo Castro, udumisani Zuma, usiphelele Ntshangase nobilliat abavele bayihlasela zisuka nje icity, kwabonakala ukuthi ithwele kanzima.
Nokho ichiefs ike yathi ukuphazamiseka kulimala ucastro obhinyilike iqakala umdlalo usanda kuqala.
Icity isebenzise le ntuba yangenela ichiefs kwancane indawo. Uteko Modise ubezicanasela esiswini kubonakala ukuthi akekho omelana naye.
Nokho izinto ziyijikele icity ngesiwombe sesibili kukhathala umodise kwaphinde kwazophuma ngekhadi elibomvu ufielies.
Ichiefs ibe isizicanasela, yawaqhulula elandelana amagoli. Kuphele umdlalo kubonakala ukuthi isafuna ukuqhubeka nokwenzakalisa icity.
Ibanyana Banyana izobhekana nemalawi emdlalweni wecosafa Women’s Championship kusasa ngomsombuluko ngo-15h30 eport Elizabeth.
Ibanyana iqhwakele kwi- group ngamaphuzu angu-6, kuthi ibotswana ilale isibili ngamathathu bese imalawi ihlala kweyesithathu ngamaphuzu afanayo kanti ibhuleki ibanjwe yimadagascar engenaphuzu.
Imiphumela yemidlalo YENFD yayizolo imi kanje: Sporting 1, Ajax Cape Town 0; Royal Eagles 2, Tshakhuma 2.
Eye-english Premiership: Man City 3, Fulham 0; Chelsea 4, Cardiff City 1; Newcastle United 1, Arsenal 2; AFC Bournemouth 4, Leicester City 2; Huddersfield Town 0, Crystal Palace 1; Tottenham Hotspur 1, Liverpool 2.
A