KONKE KUYENZEKA NGOKUZIMISELA
NIGHT SCHOOL
UMQONDISI:
ABADLALI ABAPHAMBILI: Kevin Hart (Teddy Walker), Tiffany Haddish (Carrie), Rob Riggle (Mackenzie), Taran Killam (Stewart), Romany Malco (Jaylen), Megalyn Echikunwoke (Lisa)
UHLOBO: Comedy
IMINYAKA: 16 L/P/V UMHLAZIYI: Zowakha Mbatha
ZIMBILI izinto engizicoshe kule filimu enamahlaya njengoba inokevin Hart nayikhiqize qobo lwakhe. Okokuqala wukuthi ungazami ukuzenza into ongeyona ngoba nakhu ufuna ukumukeleka kwabathile, ikakhulukazi uma kuthinta ezothando.
Okwesibili wukuthi kuyadluleka ebunzimeni inqobo nje uma uzimisela. U-teddy uyisahluleki uma kuza emsebenzini wesikole, agcine esishiya engakaqedi, ayosebenza.
Iphutha alenzayo ngelokuqamba amanga, akhohlise intombi yakhe ulisa ngomsebenzi awenzayo, ezenza umuntu onemali kanti zizomshubela izinto uma sekuvela amaqiniso kungalindelekile.
Uyaphoqeleka ukuqhubeka namanga entombini aseyenze nengoduso njengoba esephoqeleka ukuyofunda esikoleni sabadala ebusuku ukuze alungise imiphumela yakhe.
Uthish’ omkhulu kulesi sikole ngustewart abebefunda naye besebancane bengezwani, nowenza konke okusemandleni ukumbamba ngophondo njengoba ucarrie onguthisha wabo enza imizamo yokuba baphumelele bonke. Ngeshwa ingoduso igcina ithola ngawo wonke la manga akhe ize imshiye.
Ekugcineni bayaphasa bonke kodwa yena uyafeyila. Ngeke ngikutshele nokuthi uphinda kangaki ukubhala izivivinyo efeyila kanti noyise ugerald akakaze amnike ithuba empilweni.
Okubalulekile wukuthi ekugcineni uyayinqoba le mpi, abuyelane nengoduso yakhe. Ingenile e- cinema ngolwesihlanu, hamba uyozikholisa.
zowakha@ilanganews.co.za
BEKULINDELEKILE ukuba UJOHNNY ENGLISH afike ahlale esicongweni ngempelasonto angene ngayo e- cinema nje-ngoba kwenzekile ngale edlule yomhlaka-21-23 September.
I-THE MEG iqengqeleze phambili ngokufaka imali njengoba ifinyelele ku-r17 987 622 kanti uhlu oluphelele lwamafilimu ayishumi ahambe phambili lumi kanje:
1. JOHNNY ENGLISH: STRIKES AGAIN 2. HOTEL TRANSYLVANIA 3: A MONSTER VACATION
3. THE NUN
4. EQUALIZER 2
5. CRAZY RICH ASIANS
6. THE PREDATOR
7. ELLEN
8. MILE 22
9. MEG
10. THE CHILDREN ACT