SEBASTIAN JILI
NGABE WUSUKU LWAKHO LOKUZALWA NAMUHLA?
BUKA ngeso lokhozi lapho kunamathuba khona bese uthatha isinyathelo. Ziningi izinto ozicubungula ngengqondo ezihambisana namasu okwenza imali. Ungawugxilisi umqondo wakho lapho kumnyama khona.
ARIES
NGESINYE isikhathi ubuye uphelelwe kalula wumfutho bese udlulwa ngamathuba asemqoka. Ukubekezela kumele ukwenze kube umgomo empilweni yakho. Kukhona abantu abawusizo empilweni yakho okumele ubabonge.
TAURUS (April 20-May 20)
KHUPHULA izinga lakho lokucabanga, wenze izinto ezikwenza uhlonipheke. Unezifiso ezinkulu ezigcwele engqondweni yakho. Kokunye ubuye uzisole ngokusebenzisa imali mawala.
GEMINI (May 21-June 21)
IVIKI ophuma kulona libe nezinto ezikudidayo kakhulu. Zama ukuba nombono obuka phambili. Kumele uqonde ukuthi unamandla okulolonga impilo yakho, hhayi omunye umuntu.
CANCER
YONKE iminyakazo yakho izobaluleka kanti ingaletha uguquko lapho kufanele khona. Izinselelo ezisothandweni lwakho ezesikhashana. Gqamisa ikhono lakho ngokwenza okulungile okungaba nesifundo esibalulekile kwabanye.
LEO (March 21-April 19) (July 23-August 22)
UNGUMUNTU ohlale elangazelele ukuba nolwazi ngezinto ezenzeka phambi kwakhe. Umqondo wakho usebenza ngamandla kulokho okuhambisana kakhulu namaphupho akho. Imihlomulo onayo kumele isize abaseduze kwakho.
VIRGO (June 21-July 22) (Aug 23-Sept 22)
UMA uhlela izinto ngesikhathi esifanele, uzobona lapho ophikelele khona. Ubuhlakani bakho buzosebenza kakhulu ekuhlaziyeni indlela yokuzithuthukisa. Uzoqaphela kakhulu futhi uphinde ugweme amaphutha manje.
LIBRA (Sept 23-Oct 22)
ZIHLELELE okukhulu ngale kokubheka izinga lempilo okulo. Uyasibona isiphetho sekusasa lakho komunye umkhakha. Uma usebenzisa umbono wakho ngeke ulahlekelwe yinkombandlela yalapho ophikelele khona.
SCORPIO (Oct 23-Nov 21)
ZAMA ukubekezela uma ubona kunezimo ezingahambi ngendlela ofisa ngayo. Ukusebenzisa ulwazi ngendlela efanele kukulethela ukuhlonipheka. Uzoba matasa kakhulu uzama ukulungisa impilo yakho.
SAGITTARIUS (Nov 22-Dec 21)
UKUNGAVUMELANI okungaba khona ebudlelwaneni bakho kungaba okwesikhashana. Qikelela ukuthi awugudluki kulokho othembele kukhona. Unezinhlelo eziningi eziphithizela emqondweni.
CAPRICORN (Dec 22-Jan 19)
IZINGUQUKO ongazenza zinganyakazisa nalabo osondelene nabo. Kumele uzimisele ukubhekana nezinkinga ezahlukene. Akumele ugxile ekudidekeni ngalokho okwenzeka empilweni yakho. Inkani kukhona lapho engeke ikusebenzele khona.
AQUARIUS (Jan 20-Feb 18)
ZINIKE isikhathi sokuhlaziya wonke amaphutha owenzile. Ungabambeleli kakhulu ezintweni esezivele zonakele. Uzozimisela ukuthi imisebenzi oyenzayo ibe yisibonelo kwabaningi. Othandweni lwakho kudingeka ukuthi kube khona ozehlisayo.
PISCES (Feb 19-March 20)
IZIMFIHLO ziyalulimaza uthando. Zama njalo ukufeza izifiso zakho ngoba lokho kungakunika amandla nomfutho. Ukusebenzisa amakhono onawo ngokuvumelana nesimo sendawo okuyo kungakunika inkululeko yomqondo.