IZINSOLO ZOKUDLWENGULA EZIBHEKISWE KU-RONALDO
BASONGA ngokubopha iphephabhuku lasegermany, ider Spiegel, elishicilele izinsolo zokudlwengula ezibhekiswe kucristiano “CR7” Ronaldo ( osesithombeni) abameli balo mgadli wejuventus yase-italy.
Owesifazane wase-america, ukathryn Mayorga, usola uronaldo ngokumdlwengula ngo-2009. Ummeli karonaldo, uchristian Schertz, uthe lolu daba luthunaza ikilayenti lakhe futhi bazolithathela izinyathelo zomthetho leli phephabhuku ngokushicilela akubize ngelumbo uqobo lwalo.
Uronaldo ubalwa nabadlali abahamba phambili emhlabeni njengoba esenqobe indondo yokuba ngumdlali ovelele emhlabeni amahlandla angu-5 futhi usanda kusayiniswa yijuventus esuka kwireal Madrid yasespain ngo-100 million wama-euro. Abejuventus benqabile ukuphawula odabeni lweder Spiegel.
Abameli bakakathryn, bafuna lo mgadli ajeze ngobuhlungu abuzwisa ikilayenti labo ngonhlangulana (June) wango-2009.
Isekela lomhleli omkhulu weder Spiegel, u-alfred Weinzierl, utshele abereuters ukuthi bazame izikhawu ukuthola ukuphawula kubaphathi bakaRonaldo ngaphambi kokushicilela lolu daba kodwa kwanhlanga zimuka nomoya.
Imidlalo ye-serie A yase-italy ehlelelwe ukugijinywa namuhla ngesonto imi kanjena:
Bologna vs Udinese 12h30 (SS9).
Chievo vs Torino 15h00 (SS9).
Fiorentina vs Atalanta 15h00 (SS11).
Frosinone vs Genoa 15h00.
Parma vs Empoli 18h00 (SS9).
Sassuolo vs Milan 20h30 (SS9).
KUSASA NGOMSOMBULUKO
Sampdoria vs SPAL 20h30 (SS9).
Eyespanish La Liga:
NAMUHLA NGESONTO
Huesca vs Girona 12h00 (SS7). Villarreal vs Real Valladolid 16h15 (SS7).
Levante vs Deportivo Alaves 18h30 (SS7).
Real Betis vs Leganes 20h45 (SS7).
KUSASA NGOMSOMBULUKO
Celta de Vigo vs Getafe 21h00 (SS7).
Eye-english Premiership:NAMUHLA NGESONTO
Cardiff City vs Burnley 17h00 (SS3). KUSASA NGOMSOMBULUKO AFC Bournemouth vs Crystal Palace 21h00 (SS3).