Ukhuza ibuya umastermind kuzalo
Kunabanye abasha abazojoyina lo mdlalo
IKHUZA ibuya intandokazi yabalandeli bozalo, untokozo Dlamini owaziwa ngelikaMastermind kulo mdlalo kamabonakude odlala ligamenxe ihora lesi-8 phakathi nezinsuku. Lo mlingisi useke wanyamalala isikhathi eside kulo mdlalo.
Phambilini kwavela izinsolo ezithi uxoshiwe ngenxa yokwehluleka wukuhlonipha umsebenzi nokugcine sekucika ababhali balo mdlalo.
Ekhuluma nesinye isiteshi somsakazo, waziphika lezi zinsolo wathi uyashiya kulo mdlalo ngoba efuna ukuya egoli ukuze asondelane nonina wengane yakhe (Jessica Nkosi).
Lo mlingisi ugcine ukubonakala ezinyangeni ezedlule lapho kade eseboshiwe khona.
Umthombo ongaphakathi utshele ILANGA Langesonto thi usebuyile kulo mdlalo, njengamanje ushutha iziqephu zasejele okuyizona azobonakala kuzona. uku-
Okuphinde kwatholwa yileli phephandaba wukuthi lo mdlalo uzojoyinwa ngabadlali abasha okubalwa kubo unkanyiso Makhanya ongumethuli wohlelo olutshengiswa kwi-etv olwaziwa ngelecraz-e kanti uphinde alingise nasemdlalweni obizwa ngeHope, edlala kwimoja Love (Dstv channel 157), nentokazi esencane, uthuthuka Mthembu.
Ummamitse Thibedi, ongumqondisi omkhulu kuzalo, uthe:
“Yebo, umastermind uyabuya kumabonakude, uzovela esejele. Akukho okuningi esingakuveza, esingakusho nje ukuthi kuzoshuba. Unkanyiso nothuthuka nabo bazojoyina Uzalo. Uthuthuka musha kumabonakude, siyamethula kubantu,” kuphetha yena.
Kuleli sonto kuvele izindaba zokuqopha umlando kozalo ngokufinyelela ku-10 million wababukeli balo mdlalo, okuyinto engakaze yenzeke emidlalweni kamabonakude kuleli.
tzondi@ilanganews.co.za