KUZOHLONISHWA OWELANGA KWINDONDO AWARDS
KUZOHLONISWA nochwepheshe wolimi lwesizulu ephephandabeni ILANGA, umnu Melchizedeck Zakhele (MZ) Khumalo ( osesithombeni), emcimbini waminyaka yonke wendondo Awards emgungundlovu nonyaka.
Umnu Khumalo ungomunye wabantu ababambe iqhaza elibonakalayo emphakathini, abazohlonishwa kulo mcimbi ozoba mhla ka-10 kulwezi (November), egolden Horse Casino.
Kulo mcimbi kuzophinde kuhlonishwe nabaculi beqembu i-avante asebadlula emhlabeni, ubongani Ngcobo nosiphiwe Khanyile, bakwamashu.
Umsunguli walo mcimbi, umfu Caleb Mbokazi, uthi ngaphandle kwalaba, kuzobuye kuhlonishwe umabhuti Khanyeza, ongumdlali webhola ogijima eqenjini Amazulu, usibusiso Mbhele wasemlazi, owaphephisa izimpilo zabantu ngezikhukhula, ubabo Ngcobo, ongumculi we- gospel, u-amichand Rajbansi ongasekho, owayehola iqembu lepolitiki, iminority Front, usolwazi Musa Xulu, nomnu Ludumo Magangane.
Umfu Mbokazi ukugcizelele ukuthi lo mcimbi wokuhlonipha ababamba iqhaza elibonakalayo emphakathini awunazindodla zemali kepha uqhuba phambili ukubongela labo kumdali ngokubapha iziphiwo abazisebenzisa ngendlela ethuthukise isizwe sase-afrika.
“Siyaziqhenya ngalo mcimbi esesiwenze ngempumelelo, sakwazi ukubonga abantu abafana noray Phiri weqembu lomculo istimela, umagidigidi Sambo, umnu Brian Thusi, nabanye abaningi emikhakheni eyahlukene, ngisho nabesifazane imbala,” kulanda yena.
knowledge.simelane@ilanganews.co.za