NGABE WUSUKU LWAKHO LOKUZALWA NAMUHLA?
KUKHONA izivunguvungu eziningi zempilo osudlule kuzona. Inkuthalo ongaba nayo ingaletha ukuthuthuka okusheshayo. Ukulandela okucabangayo kuzokuholela kokulungile.
ARIES (March 21-April 19)
UKUNGABAZA akumele ukuvumele kulimaze isinqumo sakho. Kukhona amathuba amasha ozama ukuwaphendla amanye athinta umsebenzi. Ubudlelwano bakho bezothando kuzomele ubuqinise.
TAURUS (April 20-May 20)
KUMELE ufake umfutho kunoma yini oyenzayo. Uthando lwakho lubuye lukubeke esimweni sokudideka. Uyabona ukuthi kunento ekuqhamukela isigubhukane ekuphoqa ukuba usebenzise imali obuyibekele okunye.
GEMINI (May 21-June 21)
NGESINYE isikhathi kuye konakale okuthile ukuze kulunge okunye. Uzobona sengathi isimo okuso manje siya ngokuthembisa komunye umkhakha. Ungalinge uthathele izinto phezulu. Kunesidingo sokuba wethembe ulwazi lwakho.
CANCER (June 21-July 22)
UMA uvuka emaqandeni uzoshesha ukubona uguquko. Izinhlelo zokuzihlomulisa zinezinselelo zakhona. Umoya wethemba uzokukhuphula bese ukwazi ukuhlela lokho okunesidingo kuphela.
LEO (July 23-August 22)
UKUZOKUSIZA ukwenza ubulungiswa nokulalela izeluleko zabadala. Lokhu ofisa ukuba akwenze kuwena umaqondana, qala wena ukwenze kuyena. Abangani abangahambisani nemicabango yakho kuzodingeka ubagweme.
VIRGO (Aug 23-Sept 22)
KUZODINGEKA siphelele isithombe salokho ofisa ukuba kwenzeka kuwena. Ezikhathini ezinzima uzobona ukuthi kudingeka ubambiswano. Bakhona ozothola ukuthi bahambisana kakhulu nemibono yakho.
LIBRA (Sept 23-Oct 22)
UYAKWAZI ukucabanga usabalale kodwa ubuye ubone sengathi ezinye izinhlelo zikuhlehlisela emuva. Kubeke phambili ukuthi impilo ikunika lokho okuhlelile. Uma kunobudlelwano ofisa ukuzihlanganisa nabo cubungula nemiphumela.
SCORPIO (Oct 23-Nov 21)
UKUCABANGELA ikusasa kumele kuhambisane nokonga amanye amandla akho. Impilo yakho ibonakala inekusasa eliqhakazile. Usunobufakazi bokuthi kuningi ongakwenza. Namathela njalo ezinhlelweni ezibonakala zinekusasa.
SAGITTARIUS (Nov 22-Dec 21)
OKUSHA oza nakho kuzoqhakambisa indlela umqondo wakho osebenza ngayo. Okungakulethela ubuhlungu akukhona okwenzeka ngaphandle kodwa okwenzeka ngaphakathi kuwena.
CAPRICORN (Dec 22-Jan 19)
YISIKHATHI sokuba ugxile ekongeni ngoba isimo sakho kwezomnotho uyabona ukuthi simi kanjani. Izinhloso ezintsha oqhamuka nazo zizogqamisa wena uqobo nendlela osebenzisa ngayo umqondo.
AQUARIUS (Jan 20-Feb 18)
IZINKINGA zomndeni akumele zithikameze umbono wakho. Kukhona amanye amagalelo akho angase abonakale. Kukhona isikhathi obusilindele esibonakala siza ngendlela obungayilindele.
PISCES (Feb 19-March 20)
UYAKWAZI ukwenza abanye bathokoze ngamancoko akho. Kumele ugxile kwezinye izinhlelo ezithinta ikusasa lakho. Kukhona ongadinga ukuba umcebise ngamasu asemqoka.