U-BARKER AKAZIMISELE NGOKUQHUZUKA KWEYE-NFD
UMINCELE ukungaqhuzuki emgqigqweni omuhle usteve Barker ongumqeqeshi westellenbosch FC ezovovana inkani nets Galaxy FC kowenational First Division (NFD) namuhla ngesonto ngo15h30 ekameelrivier Stadium, empumalanga.
Ubarker uthe ubambe umoya ukuthi abadlali bangadedeli lutho kusuka manje kuze kuyoshaya isikhathi sokuhlaba ikhefu lamaholidi okuphela konyaka. Uthe babili abadlali bakhe abangeke babe yingxenye yalo mdlalo ngenxa yokulimala.
“Ngizokuya kulo mdlalo ngaphandle kuka-anzio Georgia noluvuyo Mkatshana abalimele. Uzokuba nzima lo mdlalo kwazise igalaxy idlala ibhola elihamba phansi futhi eliyingozi ngendlela eyisimanga. Okungihlaba umxhwele wukuthi abadlali bami bayavutha kulezi zinsuku. Nokho engisalwa nakho wukubaqinisa ukhakhayi bakwazi ukumelana nayo yonke ingcindezi ehambisana nokuba sebholeni,” kusho ubarker.
Ebuzwa lo mqeqeshi ngamaphuzu afisa ukuba nawo ngaphambi kokuya ekhefini, uthe angajabula ukuhlanganisa angu-30 ngaphambi kokuvala. Uthi lokhu kungehlisa umthwalo. Uthi usesalelwe wukuthola amaphuzu amane kusuka manje. Lo mdlalo uzokube ukhonjiswa bukhoma kwiss4.
I-galaxy FC inomthwalo onzima kulo mdlalo kwazise kumele ijabulise umnikazi wayo, utim Sukazi, ngokuwunqoba njengoba ebenzelwe umcimbi wokugubha usuku lwakhe lokuzalwa.
Udan Malesela ocija igalaxy, ugcizelele ukuthi uwafuna ephelele la maphuzu. Ezakhe zihambela phezulu njengoba zingene zigijima kwinedbank Cup Last 32 zishaya i-ajax Cape Town ngeledlule.