VUKA UZITHINTITHE:
UMBUZO: NGINENKINGA, ngingowesifazane osemncane, ngishade ngo-2014. Umyeni wami ubengithanda phambilini kodwa manje uthando alusekho kuye, useke aphume ekhaya emini aze abuye ngo-2 intathakusa, uma ngimfonela kukhulume amantombazane. Futhi unezingane azithola ngaphandle kodwa ngikhona mina.
Uma eyozihlawula lezi ngane akangitsheli, uhamba ngasese, ngithole ngoba sengithola efonini yakhe. Angisazi ngenze njani futhi lezi zingane uyazilanda konina athi azizohlala nami ngoba bona bamatasa ngezinye izinto empilweni kodwa mina wangiyekisa isikole ngifunda u- grade 11 wangishada. Angisazi noma wayengishadela ukuthi ngizoba ngu- nanny wezingane zakhe yini?
IMPENDULO: Dadewethu, sibuhlungu impela isimo obhekene naso. Kuzwakala sengathi akakuhloniphi umyeni wakho, angazike ukuthi yini le edala ukuba angakuhloniphi.
Uma uluchaza udaba lwakho kuyezwakala ukuthi umshado wenu ubhekene nenkinga enkulu njengamanje. Ngaso sonke isikhathi uma abantu ababili bebhekene nenkinga, isinyathelo sokuqala sokuzama ukuxazulula inkinga ukuba bahlale phansi bakhulume.
Lapha kusuke kudingeka ukuba nikhulume iqiniso, nivulelane izifuba kodwa ningadelelani, nikhulume ngendlela enenhlonipho futhi enobuntu, nangendlela eyakhayo. Ningalokothi nithukane. Ngesikhathi nikhuluma kufanele umtshele okungaphakathi kuwe nemicabango yakho mayelana nendlela aziphethe ngayo.
Qaphela ukuthi kungenzeka ukuba nawe unephutha kokuthile - uma ekutshela amaphutha akho kubalulekile ukuba uzehlise, uxolise uma kunesidingo. Lokho akusho ukuthi uxolise noma singekho isidingo. Uma ningazwani ngengxoxo sekuyofanele ubike inkinga kubantu abadala (abazali benu).
Futhi ungaya nakumfundisi owanishadisa uyobika ucele nezeluleko. Ngicela nje uzame ukukhuluma naye, ucele ukuba nihlale phansi nikhulume. Kodwa-ke ngithanda ukukwexwayisa ngomkhuba wokupopola okusocingweni lomyeni wakho - ungakwenzi lokho, kuyingozi futhi kungaholela ekubeni ubudlelwano bubhidlike.
Kanti kwawena kuzokubulalisa ngenhliziyo kakhulu ngenxa yezinto ozozithola lapho. Uma kungukuthi uyahlambuluka ukuthi akasakuthandi, kuyofanele ukwamukele lokho noma kubuhlungu, umdedele, uqhubeke nempilo. uthembisa ukuzibulala, manje kunzima kimi. Ngiyamthanda yena kodwa inkinga yilo mjolo. Ngingaphuma kanjani kule nkinga?
IMPENDULO: Angiyazi-ke le nto ukuthi ungayibiza ngokuthini. Angiqondi ukuthi kungani intombi yakho ihambe iyojola nomunye umuntu uma ikuthanda kakhulu ngendlela yokuthi ifisa nokufa uma uyala.
Ngiyathemba ukuthi nawe unesiqiniseko sokuthi ngempela intombi yakho iyajola, kungabi wukuthi uyasola. Ngiyakuqonda ukuthi lobu budlelwano benu busesesigabeni esiphansi kakhulu njengoba usho ukuthi wumjolo, kodwa ngenxa yokuthi sekunesimo sezinsongo zokuzibulala ngicabanga ukuthi kumele utshele abantu abadala uma kungukuthi usuzimisele ngokumshiya.
Ngiyazi ukuthi kungenzeka kube nzima ukufaka abantu abadala kule ndaba njengoba kusewumjolo kodwa lokho kuyosiza ekutheni abhekwe ngeso lokhozi sonke isikhathi, atholelwe nosizo lokwelulekwa ngokwengqondo. ngimyeke kodwa ngiyahlukumezeka ngoba indaba yami kayisangenwa. Ngisho ngimvakashele akanginaki, uba bhizi efonini yakhe. Ngenzenjani?
IMPENDULO: Ngane yakwethu, akukho olutheni engingakusiza ngalo kulolu daba lwakho ngaphandle kokukutshela ukuthi uma umuntu engasakuthandi ngeke umphoqe, futhi ungamncengi. Ngiyazi kubuhlungu ukulahlwa ngumuntu usamthanda kodwa uma yena engasakufuni kusuke sekufanele uzame ukuncenga inhliziyo yakho, wamukele isimo, bese uziqhubekela nempilo.
Uma ufuna ukuphikelela, uhlalele into engekho, ulibale ngumuntu ongasakuthandi uzimoshela isikhathi futhi uzizwisa ubuhlungu kakhulu. Zama nje ukuziqinisa, wamukele. Uma kufika izinyembezi, kulungile khala, kuphume okungaphakathi.
Ngiyakwethembisa, ngokuhamba kwesikhathi siyophola isilonda esisenhliziyweni, ukhohlwe nguye, kuthi noma umbona ungathinteki ndawo. sakuthandi ungabomphoqa ukuba aqhubeke ahlale nawe - kuyingozi lokho ngoba engagcina esedlala ngawe, akwenze ibhola lakhe.
Mhlawumbe ukuzinikela kumuntu ongasakuthandi futhi ongenandaba nawe yikho okunomthelela wokuba izigameko zokuhlukunyezwa kwabantu zande kangaka.
Vele akumnandi ukuhlukana nomuntu usamthanda futhi akulula, kodwa kusuke kufuneka ukuba uncenge inhliziyo yakho wemukele isimo. Ukuthi senihlukene akusho ukuthi ngeke esayibheka ingane. Umthetho ukhona, uyasebenza, ungamphoqa ukuba ayondle ingane.
Akuqali ngawe sisi ukushiywa yisoka usalithanda, baningi abehlelwa yisimo esifana nesakho mihla namalanga. Futhi-ke angazi ukuthi wena uxakwe yini ngoba usemncane kabi, usengathola indoda enhle ezokuthanda, ikuhloniphe, ikunakekele ikwakhele umuzi kanokusho. ndlela yokuthi usuthola ukwaneliseka kuphela uma uzisiza wena ngesandla - empeleni usuke usubhekene nenkinga edinga udokotela wezengqondo ngoba kungenzeka ukuthi usubhekene nalesi simo okuthiwa yi- addiction, okusho ukuthanda into ngokweqile.
Mhlawumbe zama ukunciphisa ukuzithokozisa ngokwakho. Uma kungukuthi usuyahluleka ukuzibamba ngicabanga ukuthi kuzofanele ubonane nodokotela, wakho umbikele.