5. INGODUSO YAMI ISINGIJIKELE
kabawutholi. Baningi abantu abahleli emakhaya abanamajazi emfundo ephakeme kodwa umsebenzi kabawutholi ngenxa yesimo somnotho esingesihle.
Engingakusho nje ukuthi qhubekani nenze imizamo yokuba bathole umsebenzi, ningadikibali - ukuthola kwabo umsebenzi kuyosusa umthwalo emahlombe kini.
Impela kunzima ukondla umndeni omkhulu ikakhukazi uma nawe unowakho umthwalo. Kodwa ngicabanga ukuthi abazukulu bayayithola imali yesibonelelo sikahulumeni, okusemqoka nje wukuba isetshenziswe ngendlela efanele.
Ngeke ngisho ukuthi yekani ukubondla ngoba umuntu akancishwa ukudla. Bekezelani nje, ngolunye usuku siyoshintsha isimo. NGINENGODUSO, ngaya kubo ngiyoqhetha njengoba sesinengane. Kuthe kusuka yathi angingabe ngisaya ekhaya kubo, ngabuza isizathu yathi akubukeki kahle ngoba inekamelo ngaphakathi endlini kubo.
Emuva kwalokho ibidamane iza kimi kodwa kuthe kusuka yangitshela ukuthi angishintshe umqasho ngoba le ndlu engikuyo incane. Ithe ngeke iseza kimi uma ngi-ngawushintshi umqasho. Ngathi ngeke ngisuke lapho ngihlala khona, nayo yathi ngeke iseza - nangempela ayisezi.
Imali yengane isivele ithi mangiyifake kwi- money market. Ingane ngiyayondla kodwa angiyiboni nhlobo, ngixoxa nayo ocingweni kuphela. Ngenzenjani esimeni esinje? Ingenwe yini ingoduso yami? Ngicela ungisize.
Kuyangicacela ukuthi kukhona okushaya amanzi ngengoduso yakho. Ngicabanga ukuthi nidinga ukuhlala phansi nixoxe, iphumele obala ukuthi inkinga yayo ikuphi.
Ngesinye isikhathi kuyenzeka ukuba umuntu uma esefuna ukuphuma ebudlelwaneni aqhamuke nezaba, akhombe lokhu nalokhuya, angayibeki indaba icace.
Kusemqoka ukuba sizazi izinkomba zomuntu osuke engasakudingi ukuze ungazimosheli isikhathi. Ngiyasola ukuthi ingoduso yakho kukhona lapho isijabula khona, mhlawumbe isifuna ukukhululeka kodwa-ke yiyona eyazi kangcono, yingakho ngithi ake nihlalephansi nixoxe, ubuze ukuthi inkinga ikuphi.
Kuhle ukuthi ingane uyayondla, futhi qhubeka wenze kanjalo kodwa kumele wazi ukuthi unelungelo eligcwele lokubona umntwana wakho.
Uma ingoduso yakho isikuvimbela ukuba ubone ingane yakho lokho kuphambene nomthetho - ungaya ngisho enkantolo ngalokho futhi ingakuvuna inkantolo. Awuzame nje ukuba ukhulume kahle naye, acacise ukuthi inkinga yakhe ngempela ikuphi, ayeke ukulokhu ebambelela ezidindini.
*Sicela bonke abafisa ukuthumela imibuzo nabafisa ukusizakala ezinkingeni ababhekene nazo basebenzise inombolo kawhatsapp ethi 082 070 8034. Sizozama ngakho konke ukuyiphendula imibuzo yenu.