ESKHALENI:
NGESIKHATHI u-ephraim “Shakes” Mashaba esengumqeqeshi webafana Bafana, kunamazwi amqoka ayejwayele ukuwashumayela lapho ayegcizelela khona ubumqoka bokuhlonishwa kwayo yonke imiqhudelwano lesi sikwati esiba-mba iqhaza kuyona.
Umashaba wayenenkolelo yokuthi ukuze ibafana ikwazi ukukhonya e-afrika, kufanele iqale ngokuba yizinkunzi ngakubo, idle ubhedu kwicosafa Cup edlalelwa ikakhulukazi ngamazwe akhele iningizimu ye-afrika. Lo mqeqeshi wayegxeka ukubukelwa phansi kwecosafa.
Inkulumo kamashaba ibukeka ifakazeleke kalula ngempumelelo yebanyana Banyana kulo nyaka esiwusongayo. Ibanyana idle ubhedu kwicosafa Women’s Cup ngomandulo (September) e-eastern Cape ngaphambi kokujabulisa iningizimu Afrika yonkana ingena igijima emqhudelwaneni wendebe yomhlaba wabesifazane ozokuba sefrance ngonyaka ozayo.
Ibanyana ingene kweyomhlaba ngokulala isibili kwitotal Women’s Africa Cup of Nations emuva kokuba iguqiswe yinigeria sekukhahlelwa amaphenathi emdlalweni wamanqamu obuseghana.
Ukubonisa ukuthi izakhamizi zaseningizimu Afrika zisazifela ngonobhutshuzwayo, ibanyana yemukelwe okwamaqhawe esikhumulweni sezindiza ngesikhathi ibuya eghana.
Inselelo isisele kubaqeqeshi bebanyana ukulola kahle lesi sikwati ukulwela isithunzi emidlalweni yasefrance.
Abathandi bebhola bakuleli bakulambele ukubona ibafana ibuyisa udumo ezakhele lona ngama-90s lapho inqobe khona i-africa Cup of Nations (Afcon) ngo-1996 kuleli iqeqeshwa nguclive “The Dog” Barker obuye wayifaka okokuqala ngqa emlandweni ingena emidlalweni yendebe yomhlaba ebisefrance ngo-1998.
Lesi sikwati sibuye sajabulisa isizwe sidlala ngokukhulu ukuzi- misela kwi-afcon ebingo-1998 eburkina Faso lapho silale khona isibili siguqiswa yi-egypt kowamanqamu.
Ngikholwa wukuthi ukuhlonipha kwebafana yonke imidlalo ebamba iqhaza kuyona kungenza isizwe singaphili ngokumincela ukuba elakuleli linikwe igunya lokusingatha imiqhudelwano ukuze lizokwazi ukubona lesi sikwati sibhekene namazwe athathwa njengosondonzima ebholeni.
Amathuba okuya kwi-afcon yangonyaka ozayo amfiliba njengoba elakuleli lilahle amaphuzu libanjwa yiseychelles engenamlando otheni kunobhutshuzwayo osekwenza ibafana ihlalelwe wumthwalo wokunqoba ilibya kowokugcina wokuhlunga.
Kungenjalo isiyolanyulelwa wukunikwa kwelakuleli igunya lokusingatha i-afcon obekufanele ukuba igijinyelwe ecameroon elephucwe ngenxa yokwenza amalungiselelo ngolonwabu.
Amazwe afuna ukuthatha le midlalo ngelakuleli ne-egypt eyisingathe kathathu le midlalo phambilini.
Icaf kubhekeke ukuba ikhiphe isinqumo mhla ka-9 kumasingana (January) wonyaka ozayo.
Masethembe ukuthi impumelelo yebanyana yango-2018 izodlulela kwibafana ngo-2019.