IZIMBANGI ZE-EPL EMIDLALWENI EMQOKA
AZOKUYA emidlalweni yanamuhla nakusasa ephefumula ngenxeba amakilabhu asembangweni we-english Premiership.
Imanchester City esendaweni yesibili phezulu kwi- log, iqhathwe ne-arsenal namuhla ngesonto ngo18h30. Icity inamaphuzu angu-56 emidlalweni engu-24. Icity yona ihlulwe yinewcastle ngo-2-1 phakathi nesonto.
Icity kumele inqobe noma kanjani ukunciphisa igebe eliphakathi kwayo neliverpool eqhwakele.
Iliverpool yona izodudulana newest Ham United kusasa ngoMsombuluko ngo-22h00. Nayo iliverpool izokuya kulo mdlalo isenkingeni njengoba idlale ngokulingana kuba ngu-1-1 neleicester City phakathi nesonto. Iliverpool inamaphuzu angu-61 emidlalweni engu-24.
Imanchester United egila izimanga ngaphansi komqeqeshi omusha, iqhathwe neleicester City namuhla ngo-16h05.
Isiyonke imidlalo ye-english Premiership namuhla ngesonto ihlelwe kanje:
Leicester City vs Manchester United 16h05.
Manchester City vs Arsenal 18h30. KUSASA NGOMSOMBULUKO
West Ham United vs Liverpool 22h00.
Eyespanish La Liga ihlelwe kanje: NAMUHLA NGESONTO
Villarreal vs Espanyol 13h00. Real Betis vs Atlètico Madrid 17h15.
Eibar vs Girona 19h30.
Real Madrid vs Deportivo Alavès 21h45.
KUSASA NGOMSOMBULUKO
Rayo Vallecano vs Leganès 22h00.
Eyeserie A yase-italy ihlelwe kanje:
NAMUHLA NGESONTO
SPAL vs Torino 13h30. Genoa vs Sassuolo 16h00.
Udinese vs Fiorentina
16h00.