SEBASTIAN JILI

NGABE WUSUKU LWAKHO LOKUZALWA NAMUHLA?

IZELULEKO zabanye abantu kukhona lapho zingakwakha khona. Ubudlelwano bakho budinga ukuba uqaphele ngisho izinto ezincane abanye abangazinakile. Uzama ngawo wonke amandla ukulandela izinhlelo zokonga.

ARIES

QAPHELA ungazibophezeli kakhulu kumuntu ongakunakile. Kugweme ngawo wonke amandla ukungaboni ngaso linye phakathi kwakho nabathile. Leli yisonto lokucubungula kahle izinhlelo zakho.

TAURUS (April 20-May 20)

UMA ulindele izinkinga, zizoqhamuka vele. Kumele uqonde ukuthi amehlo akho azokubonisa lokho ofuna ukukubona. Kuzodingeka uqale isahluko esisha empilweni yakho. Maningi amathuba okubona uthando lwakho luvutha.

GEMINI (May 21-June 21)

UNGUMUNTU okholelwa kakhulu kulokho okutshelwa yingqndo yakho. Isikhathi siyakuvuma ukuba ulungise zonke izinkinga obungazixazululile. Uqaphela ngisho izinto ezincane ezishiwo ngabanye kuwena.

CANCER

AMAPHUPHO onawo makhulu kakhulu. Ukucabanga ngokusabalala kuzoletha ithemba empilweni yakho. Ikhono lakho livame ukuba nomvuzo omuhle kakhulu. Umdlandla wakho kumele ungawuvumeli ushone phansi.

LEO (March 21-April 19) (July 23-August 22)

CABANGA kakhulu ngezinhlelo ezizokwakha zikubeke kwelinye izinga. Kumele uzame uhluleke kunokuhlulwa ukuzama. Kukhona okuhle ongakufunda kweminye imizamo yakho. Ungacabangi ngodumo, kodwa cabanga kakhulu ngamagalelo onawo, udumo luzokulandela.

VIRGO (June 21-July 22) (Aug 23-Sept 22)

ZIBEKELE imigomo ozoqikelela ukuthi usebenza ngaphansi kwayo. Abanye bazomangala ngendlela owenza ngayo izinto. Ungachithi isikhathi, gxuma uhlale kulokho okumele ukwenze. Ukuzikhandla kungaletha imiphumela emihle.

LIBRA (Sept 23-Oct 22)

IZINKINGA obhekene nazo zidinga isineke ukuze zixazululeke kahle. Ungalinge ulahle ithemba empilweni noma ngabe izinto azisheshi ngendlela ofisa ngayo. Amagalelo onawo emkhakheni okuwona azokulethela ukuhlonipheka.

SCORPIO (Oct 23-Nov 21)

IMICABANGO ejulile kumele ikulethele imiphumela emihle kakhulu. Kukhona izinguquko okumele uzilindele empilweni yakho. Okuzabalazelayo manje ukwenza izinguquko ebudlelwaneni bakho.

SAGITTARIUS (Nov 22-Dec 21)

Qaphela, ungenzi izinto ezingakudalela amazinyo abushelelezi. Ungalinge wethembe noma ngubani ngoba ungazithuka usuxhaphazeka. Okuzomele ukwenze yilokho okholelwa kukhona futhi ube nesiqiniseko sokuthi kunemiphumela.

CAPRICORN (Dec 22-Jan 19)

KUNGENZEKA uphoqeleke ukuba eminye imisebenzi uthi ukuyimisa kancane. Kufanele wazi ukuthi ubunzima yinto yesikhashana, efika idlule.

AQUARIUS (Jan 20-Feb 18)

UKUZETHEMBA kusemqoka kunoma yini oyenzayo kanye noyihlelayo. Zonke izinkinga obhekana nazo kumele ulwele ukuzixazulula ngendlela enokuthula. Unesiqiniseko sokuthi ikusasa lakho liqhakazile kakhulu.

PISCES (Feb 19-March 20)

KONKE okukhulumayo kumele uqikelele ukuthi akususi umsindo. Kukhona okungeke kuhambe njengokuhlela kwakho. Indlela osebenzisa ngayo imali idinga ukuqashelwa kakhulu. Kukhona izimo okungelula ukuziqonda okwamanje.