Isililo ngamaholo kubalingisi bembewu
Behliselwe amaholo, kuthiwa bahola kakhulu
SEKUQUBUKE izinkonondo ngenxa yokungenami kubalingisi bomdlalo kamabonakude odumile imbewu: The Seed, osakazwa kwi-e.tv - abakhala ngokuthi abaphathi balo mdlalo babanciphisele imiholo.
Kuthiwa isimo kasisihle ngaphakathi kulo mdlalo ngenxa yalesi sinqumo sokuncishiswa kwamaholo.
ILANGA Langesonto likhulume nabalingisi abehlukene abathintekile, abacele ukungadalulwa amagama ngenhloso yokuvikela umsebenzi wabo - bathi ukunqanyulwa kwamaholo kwenzeke ngemuva kwamaholidi.
“Selokhu kufike abaphathi abasha sihlukumezekile njengoba sinqanyulelwe imiholo yethu. Ngibuhlungu, kwazise bengisanda kuthenga imoto, manje angisazi sengizomisa kanjani. Umholo wami unqanyulwe ngo-r10 000,” kusho omunye wabalingisi.
Omunye umlingisi, naye okhala esifanayo, usola abaphathi ngokungabacabangeli.
“Ngiyaqala ukuhlangabezana nesimo esinjena selokhu ngaqala ukulingisa.
“Laba bantu abasitshelanga isizathu esizwakalayo esenze basinciphisela imiholo, kodwa kwavele kwathiwa sihola kakhulu ngakho bazoyehlisa imiholo yethu,” kusho umlingisi.
Kuthiwa abalingisi abangancishiselwanga imiholo nguleleti Khumalo, Tony Kgoroge, Thembi Mtshali nomelusi Yeni.
“Kuyacaca ukuthi thina sithathwa kancane ngoba nakhu sisebasha kule ndima. Kubuhlungu okwenziwe kithina ngoba sisafika. Abasicabangeli ekubeni abanye bethu bethenge nemizi ebizayo ngoba sibona indlela ebesihola ngayo. Sisenkingeni, kanti akukho okudlula ukuba umuntu azitholele omunye umsebenzi,” kukhala umlingisi.
Okhulumela izinhlelo ze-e.tv, okubalwa kuzo nembewu, umatodzi Mashau uthe ngeke akwazi ukuphawula ngezinto ezithinta amaholo.
Abanye bethu bathenge nemizi ebizayo ngoba sibona indlela ebesihola ngayo.