Kuqopheke umlando kwisoweto derby
Sekuphele iminyaka yagcina ukwehlula ipirates
LOKHU ikhule njalo iminyaka ikaizer Chiefs yehluleka ukuhlula i-orlando Pirates njengoba lama kilabhu ebambane ngo-1-1 koweAbsa Premiership izolo ngomgqibelo ntambama EFNB Stadium, enasrec, egauteng.
Kulo mdlalo kuqopheke umlando njengoba bekuphela imidlalo engu-12 selokhu ichiefs yagcina ukwehlula ibucs.
Izimpofana zigcine ukwehlula ipirates kowemtn8 emoses Mabhida ngo-2014.
Kulo mdlalo, izimpofana yizona ezibuyise ithemba lokuhlula ibucs ngesikhathi udaniel Cardoso evalela iphenathi ngomzuzu ka-53. Ibucs iphendulelwe nguthembinkosi Lorch ngomzuzu ka-80
Izimpofana ziziyekele zona ukunqoba lo mdlalo njengoba ukhama Billiat ehlulwe ngamathuba amabili alula abezokwenza zihambe phambili ngo-3-0 ngesiwombe sesibili.
Muva nje, ibucs ihlule iziMpofana ngo-2-1 kowetelkom Knockout kanti ibucs ibisanda kunqoba isoweto Derby ngomphumela ofanayo.
Lo mdlalo uqale ngemuva kwesikhathi njengoba kushaye isikhathi sokuqala ko mdlalo kunenqwaba yabantu abebesazama ukungena enkundleni.
Ibucs iqale lo mdlalo ngoWyane Sandilands ezintini.
Lo nozinti uke washovelwa esikimini semultichoice Diski Challenge ngenxa yamaphutha awubungane. Izimpofana nazo zenze ushintsho emapalini zibophela udaniel Akpeyi osanda kuthengwa kwichippa United. Lo nozinti ulandwe isigubhukane ngemuva kwamaphutha awubungane enziwa nguvirgin Vries oba- mbe izintambo ngemuva kokulimala kuka-itumeleng Khune.
Amaphutha kavries aholele ekutheni angabekwa ngisho ebhentshini kulo mdlalo.
U-akpeyi unesipiliyoni njengoba ebeyingxenye yesikwati senigeria esiye kwindebe yomhlaba ebingonyaka odlule erussia.
Ujob Smith obeyimatch Commissioner kulo mdlalo ukucacisile kwabesupersport ukuthi babone kungcono basihlehlise isikhathi sokuqala ko mdlalo ukugwema isiminyaminya ebesingaholela esibhicongweni. Izimpofana ziwuqale kahle lo mdlalo njengoba bezifika ngokuzethemba eduze kwamapali ebucs. Nokho bezithwala kanzima ukuqedela amathuba ebeziwakhanda.
Ibucs iwuqale ngegiya eliphansi lo mdlalo njengoba bekunzima ukugqobhoza udonga lwechiefs. Ichiefs ingene iqunge isibindi kulo mdlalo iqalisa uhappy Mashiane osanda kunyuselwa esikimini esikhulu.
Lo mdlali ubedlala isoweto Derby yakhe yokuqala kodwa bekunganonakali ngendlela abengayihloniphi ngayo ibucs.
Nokho-ke umashiane akabuyanga ngesiwombe sesibili njengoba kungene uphilani Zulu endaweni yakhe.