LIVULELWE ICALA ILUNGU LE-EFF 'LEMPAMA'
USEVULELE I-EFF icala emaphoyiseni uwarrant Officer Johan Carstens, oshaywe yilungu lephalamende LE-EFF okukholakala ukuthi ngumnu Marshal Dlamini, ngolwesine kusihlwa ngemuva kwestate of the Nation Address (SONA).
Kanti kubikwa ukuthi iphalamende lisalindele umbiko ogcwele mayelana nokwenzekile ngaphambi kokuba nalo lithathe izinyathelo ezifanele.
Ngolwesihlanu kusabalale i-video etshengisa ilungu le- phalamende LE-EFF lishaya elinye lamaphoyisa asephalamende ngogesi wempama ngemuva kwenkulumo mpikiswano esuke phakathi kwawo amaphoyisa kanye namalungu E-EFF.
Okhulumela iphalamende, umnu Moloto Mothapo uthe: “Siyiphalamende siyayigxeka kakhulu indlela I-EFF eziphathe ngayo. Kumele kube yibona isibonelo esihle emphakathini,” kusho umoloto esitatimendeni.
ABE-EFF bazithethelele ngokuthi inkinga wukuthi abasathembi muntu ngenxa yezinsongo zokubulawa ezibhekiswe kumholi wayo umnu Julius Malema.
Kubikwa ukuthi inxushunxushu isuke ngemuva kokuba amaphoyisa asephalamende kade ezama ukuvula indlela yokudlula njengoba bese kuphele ISONA. Kuthiwa umnu Malema ube esedusha amanye amaphoyisa amabili maqede kwasuka umsindo. Okhulumela I-EFF uveroniva Mente, esitatimendeni sabezindaba ngolwesihlanu, uthe udaba lwezinsongo sebelubike ngisho kungqonqoshe wamaphoyisa umnu Bheki Cele.
“Konke sekusezandleni zamaphoyisa ngoba abenzi bokubi sebezame ngamaqhinga ahlukahlukene ukubulala umalema,” kusho uveronica.
Abephalamende bathi ayikho imibiko abasayitholile yokusatshiswa kukamalema.