UQOKWE KOWEZINDONDO
UMCULI we-afro pop, oseke wanyamalala isikhashana emculweni, obuye abe ngumlingisi wemidlalo yeshashalazi, uthembisile Ntaka, undizela phezulu okwenyoni ngemuva kokuqokwa emcintiswaneni wezindondo, ifleur Du Capri, ngaphansi kweBest Supporting Actress.
ILANGA Langeso
nto
lithole ukuthi njengoba lo mculi enyamalele emculweni, usegxile ekulingiseni kanti ikhono lakhe lokulingisa indawo yendlovukazi, u-adedola, emdlalweni, i“tsotsi The Musical”, yilo elimthathe lambeka esi- gabeni sokuba aqokwe kulo mcimbi.
Lo mculi, ongowokuzalwa empumalanga, ehammarsdale, osezinze egoli nomyeni wakhe nendodana yakhe, uthi yize abaningi bemazi ngekhono lakhe lokucula kodwa uthando lwakhe kwezobuciko lujule kakhulu emidlalweni yeshashalazi.
Kwitsotsi The Musical ulingisa indawo yendlovukazi yasenigeria, u-adedola.
“Ngehluleke nokuzibamba yinjabulo ngizwa ukuthi ngiqokiwe. Ukuqokwa kusho ukuqala kohambo olusha kimina emidlalweni yeshashalazi, kwazise bekungokokuqala ngilingisa esteji eningizimu Afrika,” kusho yena.
Amagalelo akhe kwezomculo yiwona amenza intandokazi kusuka ngesikhathi eba yingxenye yeqembu, i-adilah, elanqoba umncintiswano icoca Cola Popstars ngo2003.
Ngesikhathi eshiya kuleli qembu, wasebenza ngokuzimela, waqhulula amanoni okubalwa kuwona nengoma ethi “Save Me”, ekhuluma ngowesifazane ohlukunyezwayo ebudlelwaneni bakhe.
Amafleur du Cap Theatre Awards asungulwe yinkampani ephisa iwayini, ifleur du Cap. Avamise ukwenzelwa ecape Town kanti kulo nyaka azobe esebuya ihlandla lesi-54 njengoba ehlelelwe umhla ka-10 kundasa (March).