WINA U-R5000 NAMUHLA
KUTHIWA usevele ngekhanda ezikweletini obengumdidiyeli wohlelo, usgiya Ngengoma, olusakazwa okhozini FM, usandile Mdlalose, kulandela ukumiswa kwakhe emsebenzini ezinyangeni ezimbalwa ezedlule.
Ngokuthola KWELANGA LangeSonto umdlalose wabizelwa nguZandile Tembe, ongumphathi wezinhlelo, ehhovisi lakhe wamazisa ukuthi uthunywe ngusbongi Ngcobo, ongumphathi siteshi obambile, ukuba ammise emsebenzini ngenxa yokuthi ugcine ( filing) kabi ama- promo omsakazo.
Ngemuva kwalokho kuthiwa umdlalose ube esethola i- email evela kuzandile imazisa ukuthi impela uyamiswa emsebenzini.
Kuthiwa okunye osekuxake umdlalose wukuthi akazi ukuthi ikusasa lakhe limiphi.
Umthombo waleli phephandaba osondelene nomdlalose, uthi isimo sibi kule nsizwa njengoba ibhekene nesikweletu semoto nomuzi.
Lo mthombo uthi ukhozi FM lungase lubhekane nelinye icala njengoba umdlalose kuthiwa usehlela ukuya enkantolo ayofaka isimangalo.
Ethintwa YILANGA Langesonto, umdlalose uvumile ukuthi udukuza ebumnyameni ngendaba yokumiswa kwakhe emsebenzini kodwa wathi akukho okuningi angakuphawula entathelini, wayiyalela ukuba ikhulume nezikhulu.
Unkz Neo Momodu, okhulumela ISABC, uthi umdlalose akamisiwe kodwa akakatholelwa uhlelo njengoba engesona isisebenzi SESABC esiqashwe ngokugcwele.
Uthi kusenophenyo olwenziwayo mayelana nokwephula kwakhe imigomo ehambisana nenkontileka yakhe.
hlongwaj@ilanganews.co.za