I-FNB IZOBUYISELA AMAKHASIMENDE IMALI EBANJIWE
KUTHOLAKALE ukuthi yinqwaba y abathengi a ba n g amakhasimende ebhange IFNB abadonselwe ngokungemthetho izimali zabo kumaaccount phakathi kukazibandlela (December) 2018 nomasingana (January) 2019.
Leli bhange lithi libone ukwenyuka ngendlela engajwayelekile kwama- debit order asolisayo nokwanda kwesibalo samakhasimende abephikisa lawa ma- debit order okuvela ukuthi ngaweprocall nemzansi.
Ophenyweni lwayo, IFNB ithi ixhumane namakhasimende ngenhloso yokuqinisekisa ukuthi avumile yini ukuba iprocall idonse izimali kuma- account, kodwa yathola ukuthi kawazange (amakhasimende) akuvumele lokho.
Ngokusho kukadkt Christoph Nieuwoudt, oyichief Executive of FNB Consumer, uphenyo lwabo luveze ubufakazi obanele bokuthi abathengi abathintekile kulo mkhonyovu abazange bagunyaze lokhu kubanjwa kwezimali.
Uthi kuyimanje bamatasa babuyisela emuva izimali ebese zidonswe yiprocall kuma- account amakhasimende, kanti bazozibuyisela nama- charges ahambisana nokudonswa kwazo. Uthi futhi basebenzisana nelinye ibhange ukubuyisela emuva zonke izimali ezidonswe yimzansi.
Ekwenzeni uphenyo ngalo mkhonyovu, IFNB ithi isebenzisana nepayments Association of South Africa (PASA) kanye nesouth African Banking Risk and Information Centre (SABRIC), kanti ithi izohlela nokuvula amacala obugebengu.
Leli bhange liyaxolisa emakhasimendeni ayizisulu zalo mkhonyovu futhi ligqugquzela ukuba azijwayeze ukuhlola izitatimende zasebhange, abheke uma kukhona okungaqondakali.