Kuyamjabulisa ukwanda kwentsha kwezamafilimu
UNCOMA ukwanda kwabenzi bamafilimu abasebancane umlingisi ose m n k a n t shu bo mvu owaduma kakhulu emdlalweni i-yizo Yizo.
Umonwabisi “Jet” Novuka (48) odlala indawo kawalter Sontshongaye emdlalweni ithe River, uthi kumhlaba umxhwele ukubona abantu abasha banda kulo mkhakha, ngoba lokho kuyinkomba yokuthi ikusasa lale mboni liqhakazile. Lokhu ukudalule enkulumeni yakhe ekhethekile abe nayo NELANGA Langesonto njengoba esegubha iminyaka ewu30 ekule ndima.
Eminye yemidlalo aseke wabonakala kuyona i-isidingo, lapho ayedlala indawo kasizwe.
“Kulesi sikhathi esengisiphilile ngikule ndima, into engiyiqaphelile ukuthi abenzi bamafilimu asebetholakala manje sebebancane ngokweminyaka, nokwenza ngibone ukuthi ikusasa labantu abasha baseningizimu Afrika liqhakazile,” kusho
unovuka. Ukhulume kakhulu nangokuthi ungumuntu okholelwa kakhulu emadlozini nasekwaziseni imvelaphi yakhe. Uveze nokuthi ngeke awuthathe umhlalaphansi ekubeni ngumlingisi. “Ukuthatha umhlalaphansi ekulingiseni ngikufanisa nokuyeka lokho obizelwe kukhona, awukwazi ukuthatha umhlalaphansi kule ndima, iwubizo,” kusho ujet.
Utshele leli phephandaba ukuthi kube yinzuzo kakhulu kuyena ukulingisa kwi-the River ngoba abanye babalingisi abakulo mdlalo baphekwe nguyena uqobo.
Uthi kuyinto enhle futhi kuyamthokozisa ukubona imiphumela yezimfundiso zakhe. Ngaphandle kokulingisa ujet uphinde abe ngumdidiyeli wemidlalo, ne- content creator. Ungumuntu ongaqhoshi ngempumelelo yakhe.
“Ukuzakhela igama kuqala ekhaya ngoba kuyize leze ukuba waziwe kahle ngaphandle kodwa emndenini bazi okunye okungekuhle. Ngifisa ukukhunjulwa njengendoda eqotho emndenini wami,” kusho unovuka. Akathandanga ukubhoboka ngezindaba zakhe zothando ngesikhathi ebuzwa yintatheli yaleli phephandaba.
Kulesi sikhathi esengisiphilile ngikule ndima, into engiyiqaphelile ukuthi abenzi bamafilimu asetholakala manje sebebancane ngokweminyaka, nokwenza ngibone ukuthi ikusasa labantu abasha baseningizimu Afrika liqhakazile...