SEBASTIAN JILI
NGABE WUSUKU LWAKHO LOKUZALWA NAMUHLA?
NOMA umatasatasa kodwa uzophumelela ukugqamisa amakhono akho. Igxathu ongalithatha mayelana nezindaba zakho zobudlelwano lisemqoka kakhulu. Uyaqonda ukuthi yini esemqoka empilweni yakho manje.
ARIES LEO (March 21-April 19)
QAPHELA ukuthi imibono onayo ihambisana kakhulu nezinhloso ezilungileyo. Uma ungazicabangeli wena akekho ongakucabangela. Zethwese umthwalo wokusebenza kanzima ukuze uzophothula lokho osukuqalile.
TAURUS (April 20-May 20)
KUZOKUGQAMELA ngokuphelele ukuthi uphikelele kuphi nempilo. Uneqhaza elisemqoka ongalibamba ngakho ungalinge uzibandlulule. Ungabuncengi ubudlelwano uma ubona bungakugculisi.
GEMINI (May 21-June 21)
NOMA unemisebenzi eminingi, kodwa qikelela ukuthi lokhu osukuthintile kuba yimpumelelo. Kukhona okuthile okuzokugqugquzele ukuba ukhuthale. Uzimisele ukukhuthala kakhulu ezinhlelweni zakho manje.
CANCER VIRGO (June 21-July 22)
UYABONA ukuthi okuningi okulindele akulungi ngesikhathi esifanele. Ungakwesabi ukwenza izinto ezizokusa phambili nokholelwa kuzona. Uyakudinga ukusebenzisa kakhulu umqondo kunokuba usebenze ngemizwa.
(July 23-August 22)
CABANGA ngemiphumela kuqala ngaphambi kokwenza noma ngabe yini. Izinselelo ongabhekana nazo emsebenzini wakho zidinga ubuhlakani bakho kanye nokwenza izinto ngendlela efanele futhi ezokugculisa.
(Aug 23-Sept 22)
OKUNYE ukukhathazeka onakho kungabangwa umuntu thizeni ohlulekile ukugcina isethembiso. Gwema ukwenza izinto ngokuxhamazela ngoba kungakufaka kalula emaphutheni. Zibuze ukuthi ubudlelwano bakho busezingeni elikugculisayo yini.
LIBRA (Sept 23-Oct 22)
INKUTHALO yakho iyona engenza wenze izinto eziningi ngesikhashana. Uma kunamaphutha owenzile esikhathini esedlule, imiphumela izoziveza. Kugweme ukuzifaka kakhulu ezindabeni ezingakudingi.
SCORPIO (Oct 23-Nov 21)
ZINIKELE ekutheni uzoba umzingeli wempumelelo. Isikhathi onaso sisebenzise ngokucophelela ngoba kuningi kakhulu ongakwenza. Uma ingqondo yakho ungayigxilisa empumelelweni ngeke usazibona izithiyo.
SAGITTARIUS (Nov 22-Dec 21)
ZAMA ukuqhubeka nezinhlelo ezindala kodwa ungaziyeki nalezo ezintsha. Iminyakazo yakho yonke izobonakala kulabo ekade bengakunakile. Zama ukufunda ukuzehlisa manje.
CAPRICORN (Dec 22-Jan 19)
USUKU nosuku vula amehlo khona uzobona inhlansi bese uyiphendula ikloba. Uzothola amathuba okulungisa amanye amaphutha enzekile esikhathini esedlule. Ezinye izinkinga obhekana nazo ungazithathi ngenhliziyo.
AQUARIUS (Jan 20-Feb 18)
QAPHELA ungazihlanganisi kakhulu nemishungu ngoba ungagcina usulahlekelwa yisikhathi esisemqoka. Zihlelele wena isikhathi sokulungisa izinto ezisasele ngemuva.
PISCES (Feb 19-March 20)
ZIFUNDISE ukuhlela isikhathi ngendlela ezoba yinzuzo kuwena. Ungadideki ngalokho okumele uqale ngakho kanye nalokho okumele ugcine ngakho. Nguwe ongaveza amaphuzu anesigqi kweminye imihlangano.