UMAKHURA USEBENZISE UKUVULWA KWESISHAYAMTHETHO UKUGAYA IVOTI
MHLELI, I-IFP egauteng iphoxekile ngesenzo sikandunankulu wesifundazwe, umnu David Makhura (osesithombeni), sokuphendula ukuvulwa kwesishayamthetho isigungu sokukhankasela ukhetho, wehluleka ukubekela abantu basegauteng isithombe esiyiso ngesimo sangempela sesifundazwe sabo.
Yonke imiphumela emihle undunankulu akhulume ngayo ekuzameni kwakhe ukwakha isithombe esihle ngesifundazwe iyaphikisana nokwenzekayo emihleni yabahlali - abantu abathokozile futhi abanelisekile, yingakho nemibhikisho yomphakathi isiyinsakavukela nje.
Mayelana nodaba lwamahostela, akusimangalisi ukuvuma kukandunankulu ukuthi ubuholi bakhe behluleke bancama ukuguqula amahostela abe yizindlu zemindeni enesizotha. Kule minyaka engama-25 yokuphatha, uhulumeni oholwa YI-ANC utshengisile ukuthi awubakhathalele abahlali basehostela.
Ngakho-ke sithi sesifikile isikhathi sokuba abantu basemalokishini nasemikhukhwini yasegauteng, babeke inhlangano abangayethemba ebuholini. Isikhathi sokuba babeke inhlangano ezobamela, ibakhulumele ngokungesabi nangokungenamahloni ngoba nabo bangabantu njengabobonke abantu basegauteng futhi bafanele ukuphathwa ngendlela enesithunzi nesizotha.
Abafanelwe ukuphathwa ngokuqhoshelwa njengoba kwenza uhulumeni oholwa YI-ANC.
Kulesi simo somnotho esingesihle, undunankulu nobuholi bakhe behlulekile ukukhulumela abantu baseGauteng nokubakhulula engcindezini yama- e-toll.
Bonginkosi Dhlamini Usihlalo WE-IFP egauteng